________________
ભગવાન છે, દર્શન કરો.”
દિલની ઉત્કટ ભાવના ઘણાં વર્ષે સફળ થતાં આ પ્રભુભક્ત ખૂબ ગદ્ગદિત થઈ ગયા ! હૈયાથી દર્શન કરતાં કરતાં ભક્તિભાવનો ધોધ ઉછળવા માંડ્યો ! આનંદનો કોઇ પાર નથી. તે વખતે આટલા વર્ષો પ્રમાદ કર્યો તે મોટી ભૂલનો પશ્ચાતાપ કરતાં મનમાં ઉદ્ગાર સરી પડે છે, “હે પ્રભુજી ! માફ કરો. આંખો હતી ત્યાં સુધી રખડ્યો. હવે તારું દર્શન દુર્લભ બન્યું. પણ પ્રભુજી આ પાપી ઉપર મહેર કરી મારો ઉદ્ધાર કરજે.” આમ આક્રંદ કરી રહ્યા છે. આંખમાંથી શ્રાવણ ભાદરવો વરસે છે. પહેરેલા વસ્ત્રો આંસુથી ભીના થાય છે ! બધા ભક્તો પણ આની ભાવનાથી આનંદમાં ગરકાવ થઈ ગયા છે, અને તેની ભક્તિની અનુમોદના કરી રહ્યા છે ! એટલામાં તો બંને આંખના મોતીયા રૂમાલમાં આવી ગયા !! તેણે સામે જ શ્રી શંખેશ્વર પાર્શ્વનાથ ભગવાન જોયા !!!
કેવલજ્ઞાન રૂપી ચક્ષુ આપનાર શ્રી પ્રભુ માટે ચર્મચક્ષુના દાનની શી વિસાત? આવી શ્રદ્ધા ભક્તિ આવી જાય તો આપણું પણ કામ થઇ જાય. પટેલ ઉછળતા ભાવથી દાદાના દર્શન કરતાં નાચી રહ્યા છે. અનંતા કર્મોનો નાશ કરી નાંખ્યો. હે ભવ્યો ! તમે બધા પણ દેવાધિદેવની હૈયાથી ઉત્કૃષ્ટ ભક્તિ કરી આ અસાર સંસારને શીધ્ર તરી જાવ એ જ એકની એક સદા માટે શુભાશિષ.
૮. દેવોનું સાક્ષાત્ દર્શન પાટડીમાં પ.પૂ. પ્રવર્તકપ્રવર શ્રી જંબૂવિજયજી મ.સા. ચાતુર્માસ બિરાજમાન હતા. પૂજયશ્રીની પ્રેરણાને ઝીલી નાના ગામમાં ૩૦ માસક્ષમણ થયા ! ૧૫ વર્ષની વર્ષાએ પણ માસક્ષમણ કરેલું ! તેમણે આજે દીક્ષા લીધી છે. | જૈન આદર્શ પ્રસંગો-૧ {ી [૧૬]
