________________
૧૬ ફરજ અને મોહ વચ્ચેની પાતળી ભેદરેખા જોવા માટે, વિવેક કેમ લાવી વિકસાવવો તેનું માર્ગદર્શન ગુરુદેવ ! કરો. તેમજ ભક્તિનો જે સંસ્કાર મારામાં નહીંવત્ છે તેને કેમ વધારવો તે આજ્ઞા પણ કરો, કારણ ભક્તિ વગર પ્રેમની ભીનાશ સાધનામાં ન હોય તો શુક્તાજ આવે, જે મનને રુચે નહીં.
*
તા. 27-6-78
હવે બહિર્મુખતા સાલે છે એજ વિશ્વમયતાની દૃષ્ટિએ એક ડગલું પણ આગળ વધાય છે તેમ દેખાય છે, અને એ શુભ લક્ષણ છે. નિખાલસતા અને સત્ય એજ પરમેશ્વરવાળી વાતને ઘૂંટી ઘૂંટી જીવનમાં ઉતારવી સારી છે. ક્યાંક જરાપણ બનાવટની વાત ન હોય. ભલે લોકો આપણને પાગલ કહે. ઘેલા અમે ભલે થયાં રે, ઘેલામાં ગુણ લાધ્યું, બાઈ, અમને ઘેલામાં ગુણ લાધ્યું.”
આ મીરાંબાઈનું કથન હૈયે ધરી આગળ વધવાનું છે. દરેક સાધક સાધિકાને શરૂઆતમાં લોકો આવકારતા હોય છે પણ થોડીક આગેકૂચ થઈ કે કસોટી એક પછી એક શરૂ થાય છે - નિકટનાની અને દૂરનાની. ત્યાં વળી સહન કરી તોય “પાગલ”નું ઉપનામ લોકો આપવા માંડે છે. બસ; અહીં ટકી રહેવું તેજ ‘આંતરમુખતા'ની દિશા.
dll. 27-5-78
સંતબાલ
“ભૂલ બધીએ ભૂલી જાજે, કદી જો ભૂલ કબૂલી જાજે”
ભલે બુદ્ધિવિલાસ લાગતો હોય, તે જિજ્ઞાસુ બુદ્ધિથી દરેક પાસેથી કાંઈક ને કાંઈક લેવા જેવું હોય છેજ, તેમ માની દરેક (નાના મોટા દરેક) પાસેથી લેવાની ટેવ ખસૂસ પાડવી એટલાજ માટે અનુભવી પુરુષોએ કહ્યું છે કે બાળક પાસેથી પણ સારી ચીજ જે (બોલવામાં) મલી જાય તે લઈ ગાંઠે બાંધી લેવી. આ દૃષ્ટિએ ગુરુદત્તાત્રેયનું જીવન ખૂબ વિચારવા જેવું લાગે છે તે ન ભૂલવું. મહારાષ્ટ્રમાં ગુરુ દત્તાત્રેય, ગણપતિ (જે સમાજગત સાધનાની મહત્તા સૂચવતો શબ્દ ગણ એટલે સમૂહ, એ સમૂહ વ્યવસ્થિત થાય છે સંસ્થા થકી, એમ ગણપતિ ઉત્સવ શીખવી જાય છે) અને હનુમાનજી આ ત્રિવેણીનો મહિમા મહારાષ્ટ્રમાં સવિશેષપણે દેખાય છે.
શ્રી સદ્ગુરુ સંગે : વિશ્વને પંથે
-
