________________
૧૬૮ માણસ માત્રમાં ખામીઓ અને ખૂબીઓ હોય જ છે
માણસ માત્રમાં ખામીઓ અને ખૂબીઓ હોય છે. અલબત્ત આજે પરિસ્થિતિ પરિવર્તન થતાં જૂના કાળમાં જે ખૂબીઓ દેખાતી તેવી આજે ન દેખાય. એમ છતાં ખામીઓથી ભરેલા આજના માણસોમાં પણ કેટલીક ખૂબીઓ તો જોવા મળે જ છે. સત્તાનું પરિવર્તન થયું તેમ સંપત્તિનું પણ થવું જરૂરનું છે
વિશ્વમયતાને માર્ગે આ જ ખાસ દૃષ્ટિ જાળવવી અને કેળવવી ખાસ અનિવાર્ય જરૂરી છે. જેમ સત્તાનું એક સામટું પરિવર્તન થયું તેમ સંપત્તિનું પણ થાય તે સ્વાભાવિક છે. આ દેશનાં એ સભાગ્ય કે ગાંધીજી અને ગાંધીવિચાર પામેલા સરદારે તેમાં મુખ્ય ભાગ ભજવ્યો જેથી રાજવીઓ ધારે તો સારી પેઠે બદલાએલી પરિસ્થિતિમાં પોતાની જાતને ગૌરવાન્વિત રીતે આગળ ધપાવી શકે. તા. 19-5-78
સંતબાલ
કર્મયોગ અને જ્ઞાનયોગનો પાયો ભક્તિ જ છે
... કર્મયોગ તો તે ત્યારેજ કહેવાશે જ્યારે આત્માના જોડાણ પછી કર્મ થાય. જ્યાં આત્માના જોડાણનો સ્વીકાર થયો ત્યાં બુદ્ધિ પણ જ્ઞાનની દિશા પકડી લે છે અને હૃદય ભાવનાપૂર્ણ બની રહે છે. ટૂંકમાં કર્મયોગ અને જ્ઞાનયોગ બન્નેનો પાયો ભક્તિ જ છે. આથી જ કહેવાય છે કે જ્યાં લગી ભાગવત ગ્રંથ ન રચાયો ત્યાં લગી પુરાણો રચવા છતાં વ્યાસ મહારાજને સંતોષ ન થયો. આથીજ પાયો ભક્તિ અને યથાર્થ ભાવમાં રમણ કરવું તે જ છે. તા. 2-5-78
સંતબાલ
વાત્સલ્ય નારીશરીરમાં અને વિવેક નરશરીરમાં સહેજે છે
નરનારી પરસ્પર પૂરક જ છે. અને ખરેખર પરસ્પર પૂરક જ રહેવાં જોઈએ. વાત્સલ્ય નારી શરીરમાં સવિશેષ છે તો વિવેક નગર શરીરમાં સહજ ભાવે છે. વિવેકબુદ્ધિ અને હૃદય વાત્સલ્યનો સુમેળ પડે તેમ થવું ઘટે.”
શ્રી સદ્ગુર સંગે : વિશ્વને પંથે
