________________
સમાજગત સર્વાગી સાધના સમાજ ધર્મ રક્ષે તો, થશે રક્ષા તમામની; વ્યક્તિ, કુટુંબ, રાજ્યાદિ, શુભતાં સર્વ સમાજથી. કુળ, સમાજ ને રાષ્ટ્ર, સમગ્ર વિશ્વ સામટાં, સમાય તે ખરે ધર્મ, આત્માર્થ પરમાર્થમાં.
સંતબાલ નાનચંદભાઈ એ ઓતારિયામાં રહેવાનું નક્કી કર્યું. ઓતારિયા રહી સમગ્ર અને સર્વાગી સેવા કરવાનાં એમનાં અરમાન હતાં. એ અરમાને સિદ્ધ કરવા તેઓ મહારાજશ્રીની દોરવણી માટે ગયા. કેટલીક વાતચીત પછી એમણે કહ્યું: “આજ સુધી તમેએ શ્રી કૃષ્ણની ભક્તિ વ્યક્તિગત રીતે કરીને તમારા મન, વાણી ને કર્મને સત્યમય કર્યા છે. બાલભક્તિમાં લાલાની સેવા, બાળસેવા, ગૌસેવાઓ સેવાભાવની પુષ્ટિ કરી અને ચિત્તની શુદ્ધિ કરી. હવે ભાગવતે જેને પરમાત્મારૂપે ગાય છે તે કનૈયાના પરમ પાવન સત્ય સ્વરૂપને પિછાનવું. પરમ સત્ય એ જ કૃષ્ણ છે અને આ જગત એમાંથી પ્રગટ થયું છે, એની જ કાયા છે. એટલે કુળ, સમાજ, રાષ્ટ્ર અને સમગ્ર વિશ્વને પ્રભુનાં અંગોપાંગ સમજી તેમની સેવા કરવી, સર્વમાં કૃષ્ણને જે, સર્વને પ્રભુરૂપ સમજી તેમને સુખી કરવાં, સ્વસ્થ રાખવાં, સ્વચ્છ રાખવાં, શુદ્ધ રાખવાં એમાં કૃષ્ણની સેવા માનવી. જેમ મૂર્તિ પાસે સામગ્રી ધરાવાય છે તેમ ભગવાનનાં સર્વ બાળને ખાનપાનની તૃપ્તિ મળે તેવી સામગ્રી કેમ મળે તેવી વ્યવસ્થા કરવી. ભગવાનને શણગાર
