________________
ટ્રસ્ટ સ્થપાયું અને ટ્રસ્ટમાં રહીને નાનચંદભાઈએ દસ દસ વર્ષ ગાયની ઉત્તમ સેવા કરી, સુંદર ગૌશાળા નિર્માણ કરી, પિતાની કૃષ્ણ ભક્તિને પુષ્ટ કરી, પુષ્ટિ માર્ગને પણ નવ પલ્લવિત કર્યો. એક બાજુથી ગેસંવર્ધન અને ગોપાલનને વૈશ્ય ધર્મ બજાવી ધોલેરા અને તેની આસપાસના ગામમાં ભુલાઈ ગયેલા ગોપાલનના સંસ્કારને જાગૃત કર્યો અને બીજી બાજુથી દુષ્કાળની ભીડમાં ગેરક્ષાના કાર્યમાં અવિરત પુરુષાર્થ કરીને હજારે ગાયોને જીવન દાન આપવાના કાર્યમાં ભાલનળકાંઠા પ્રાયોગિક સંઘને સાથ આપ્યો.
પ્રત્યક્ષ સેવા દ્વારા સમ્યક્ શિક્ષણ ઈ. સ. ૧૯૪૮માં ધોલેરા આસપાસના ગામમાં ભારે દુષ્કાળ પડ્યો. મુનિશ્રી સંતબાલજીની પ્રેરણાથી ભાલનળકાંઠા પ્રાગિક સંઘના કાર્યકરો છાવણી નાખીને દુષ્કાળ પીડિતોની મદદે આવ્યા. પૂ. શ્રી. રવિશંકર મહારાજના પ્રમુખસ્થાને દુષ્કાળ કર્તવ્ય સમિતિની સ્થાપના કરવામાં આવી. અને આઠ આઠ માસ સંતબાલજીએ તેમના કાર્યકરોને પ્રત્યક્ષ સેવા દ્વારા ધર્મમય સમાજ રચનાનું શિક્ષણ આપ્યા કર્યું. ચિત્તમાં વિજ્ઞાન, હૃદયમાં ભક્તિની ઉષ્મા અને વ્યવહારમાં વાત્સલ્ય સભર શુદ્ધિ એ સંતબાલજીની સમ્યફ તાલીમની વિશિષ્ટતા હતી. નાનચંદભાઈ પણ એ તાલીમમાં પલટાતા ગયા, દુષ્કાળના કાર્યમાં રાત દિવસ જોયા વિના અવિરત શ્રમ કરતા રહ્યા. લોકોને સમજાવતા રહ્યા. વર્ષઋતુ બેઠી. લોકો દુષ્કાળ પાર કરવાની તૈયારીમાં હતા
