________________
પંચાયતની સભા બોલાવવાની પધ્ધતિ
પંચાયતની સભા સામાન્ય રીતે મહિનામાં એક વાર ભરવાની હોય છે. આને સામાન્ય સભા કહે છે. ૨ કોઈ ખાસ કારણસર તાકીદે સભા બોલાવવાની જરૂર પડે તેને ખાસ સભા કહે છે. ૩ આ બંને પ્રકારની સભાની સૂચનામાં સભાની તારીખ, સમય, સ્થળ અને તેમાં ચલાવવાના કામકાજની સૂચિ (એજન્ડા) અવશ્ય જણાવવાનાં હોય છે. સરપંચ સાથે વિચાર વિનિમય કરીને મંત્રીએ આવી સૂચના તૈયાર કરવાની હોય છે. આ બાબતમાં સરપંચનો નિર્ણય આખરી છે. ૪ આ રીતે તૈયાર થયેલ એજન્ડાની સૂચના મંત્રીએ પંચાયતના તમામ સભ્યોને મોકલવી. ૫ બોલાવવાની સભા જો સામાન્ય સભા હોય તો સભા માટે નક્કી કરેલી તારીખના ઓછામાં ઓછા ચોખ્ખા પાંચ દિવસો અગાઉ સઘળા સભ્યોને સભાની સૂચના મોકલવાની હોય છે.
ચોખ્ખા દિવસો એટલે સૂચના કાઢયાની તારીખ અને સભા માટે નક્કી કરેલ તારીખ સિવાયના દિવસો. દાખલા તરીકે સભા ૭મી તારીખે ભરવાની હોય તો સભાની સૂચના ૧લી તારીખે મોકલવી જોઈએ. જેથી આ બે તારીખો વચ્ચે ચોખ્ખા પાંચ દિવસનો ગાળો રહે. ૬ ખાસ સભા માટે આવો ગાળો ચોખ્ખા રણ દિવસનો હોય છે. ૭ દરેક સભાની સૂચના પંચાયતના કાર્યાલયના નોટીસ બોર્ડ ઉપર પ્રદર્શિત કરવી જોઈએ. ૮ સભાની સૂચના સામાન્ય રીતે જે તે સભ્યને પોતાને મળે તે રીતે મોકલવી જોઈએ. સભ્યની ગેરહાજરીમાં સૂચના તેના કુટુંબના પુષ્ઠ ઉંમરના પુરૂષને આપી શકાય. આ પણ શક્ય ન હોય તો સભ્યના ઘર ઉપર કે તેના નોકરી ધંધાના સ્થળ ઉપર સૂચના બે પંચોની રૂબરૂ પહોંચાડવી અને તેનું લેખીત રોજકામ કરી લેવું. ૯ પંચાયતે રજા તરીકે ગણ્યા હોય તેવા કોઈ પણ દિવસે સભા ભરવી નહિ.
૩૮
