________________
૧૮૨
ગીતાદર્શન
સ્થિરતા સાધી લે અને દર્શનમોહ ટળશે એટલે તને આત્માનો પ્રથમ સાક્ષાત્કાર તો થઈ જ જશે. પછી ખાતરી થશે. શ્રદ્ધા દઢ થશે છતાં અભિમાનથી કે પ્રમાદથી રખે સ્વચ્છંદી બની જતો. માટે જ મેં તને ગુરુસમર્પણ અને આત્મસમર્પણનો સિદ્ધાંત દર્શાવ્યો છે, છેવટે ચારિત્રમોહની ઈન્દ્રિયો પર થતી અસરથી તું પહેલાં છૂટીશ. એટલે અંશે જો રાગ-દ્વેષ-ક્રોધાદિ પર કાબૂ મેળવીશ તો ધીરેધીરે મન અને બુદ્ધિ પરની એમની સૂક્ષ્મ અસરો પણ જતી રહેશે. એટલે જ હું કર્મયોગ-ચારિત્રયોગ પર ખાસ ભાર આપું છું. તે પુરુષાથીને જ સુલભ છે. માટે તારા પુરુષાર્થને વેગ આપું છું. અર્જુન ઊઠ, ઊભો થા. તારા સ્વધર્મને ઓળખી કાર્ય તત્પર બન. પણ જોજે, તું તારા કામ અથવા મોહને હણવાનું ન ચૂકતો ! એ હણવાના લક્ષ્ય જ ક્રિયામાત્ર કરવાની છે, આટલો મારા અહીં લગીના કથનનો સાર છે,
જ છે જ
