________________
તા. ૨૮-૬-૧૯૫૨
આજે લોકસત્તાના તંત્રી પ્રહલાદ બ્રહ્મભટ્ટ મળવા આવ્યા. તેમને આનાવારી, દુષ્કાળ અને ઘાસ વગેરેની પરિસ્થિતિ સમજવી હતી. તેમને કાગળો, ફાઈલ વગેરે વાંચવા આપ્યું અને મોઢેથી પણ હકીકત સમજાવી. સાંજના આગેવાનો સાથે સીમ જોવા ગયા, લગભગ ૬,૭ કૂવા જોયા. બધા જ ખાલી હતા. ફક્ત એક કૂવે કોસ દ્વારા થોડું થોડું પાણી કાઢતા હતા. એ ખેતરવાળાને પૂછ્યું, તો ૩૦ વીઘા જમીનમાં વાવેતર કર્યું હતું તેમાંથી કપાસ કર્યો. ૧૨ મણ કાલાં થયાં. અને ૧૫ વીઘામાંથી ૨૦ મણ ઘઉં થયાં. આ પ્રત્યક્ષ જોતાં, સમજતાં લાગ્યું કે આનાવારી ખરેખર ખોટી હતી. તા. ૨૯-૬-૧૯૫૨
પ્રફ્લાદભાઈ સવારના આગેવાનો સાથે અળ અને રેફડા એમ બે ગામોમાં આનાવારી અંગે જઈ આવ્યા. તળાવ ખોદાણ પણ જોયું.
બપોરના પ્રહૂલાદભાઈ મણિભાઈ સાથે ધોલેરા વિભાગમાં ઘાસ અને મજૂરોની સ્થિતિ રૂબરૂ જોવા ગયા. ત્યાંથી મોટરમાં ધોલેરા, ખૂણ, રાતળાવ અને માધવપુર એમ ચાર ગામ ફર્યા.તેમની સ્થિતિ જોઈ, ઘાસની તંગી ઘણી છે. તા. ૪-૭-૧૯૫૨
આજે બપોરના અમદાવાદથી શેઠશ્રી વાડીભાઈ જમનાદાસ અને સોલાપુરના કૃષ્ણદાસજી મહારાજશ્રીને મળવા આવ્યા. તા. ૬-૧૯૫૨
આજથી મહારાજશ્રીએ વરસાદ વરસે તે માટે ત્રણ દિવસ સુધી ઉપવાસ શરૂ કર્યા. જૈન પરિભાષામાં આને નિયાણું કહે છે. રાત્રે જાહેરસભા થઈ. જો બે ઈંચ વરસાદ વરસે તો પારણાં કરવામાં વાંધો નથી. એમ જણાવ્યું. ગામલોકોએ સહાનુભૂતિમાં અણોજો પાળ્યો હતો.
જવારજથી ફૂલજીભાઈ ડાભી આવ્યા હતા. તેમની સાથે જમીન ઉપરના સરચાર્જ સંબંધી વાતો થઈ. ઈનામદારો અને જમીનદારોને ટેક્ષ નથી
સાધુતાની પગદંડી
