________________
હોય તો કરો, પણ ગુનેગાર નહિ પકડી શકાય. વળી પૈસા કોણ આપે. એટલે ફરિયાદ જ કરવી પડે.
એ લોકો તો પૈસા આપવા તૈયાર નહોતા. ગામ લોકોએ કહ્યું કે બળદ લેનારામાંથી એક તો તદ્દન ગરીબ છે. અડધા પૈસા તમે આપો. ગુનેગારો પકડાયા પછી તેમની પાસેથી પાછા લેવા. અને બંનેએ અડધા અડધા લઈ લીધા.
એક રૂપિયાના સ્ટેમ્પ ઉપર લખાણ કરીને બળદ મૂળ ધણીને પાછા સોંપ્યા. તા. ૨૬-૧લ્પર
આજે સુરાભાઈ, ભલાભાઈ, ખેતાભાઈ અને ભવાનભાઈ વગેરે આવ્યા. એમણે ખાનદેશના ઢોરનો ખ્યાલ આપ્યો. સુરાભાઈએ મામલતદાર સાથે થયેલી વાતોનો સાર કહ્યો. ખાનદેશથી આવતી ગાયો માટે ઘાસનું શું કરવું ? તો કહે ધોલેરામાં ૫૦૦ ગાંસડી છે. ધંધૂકામાં ૨૦૦ છે. તેને એ ઢોર માટે રાખી છે. તા. ૩૦ સુધીનું આપીશું. નાનચંદભાઈ બૂમો પાડે છે. છાપાંમાં છપાવે છે. તે બધું એમની ગાયોના છ મહિનાના ઘાસ માટે કરે છે વગેરે કહ્યું. જોકે મામલતદાર સાહેબે જે ઘાસ રાખ્યું છે. તે ૧૨,૦૦૦ ગાયોને ચારથી પાંચ દિવસ ચાલે તેટલું હતું. વળી ખેડૂત અને ઊભડને આપવાનું જુદું.
પછી સુરાભાઈ સાથે એમ વિચાર્યું કે, જે ઢોર ખાનદેશથી આવે છે, તેની જવાબદારી સરકારે લેવી જોઈએ. એટલા માટે સંઘ પાસે મુંબઈ જવાનું વિચાર્યું. ઊભડ માટે જળસહાયક સમિતિને ઉચ્ચક ગ્રાન્ટ આપે તો કામ ચાલુ રાખી શકાય. તે માટે પુરવઠા પ્રધાનને મળવું એમ પણ ઠરાવ્યું. - વિરમગામ વિભાગ માટે ૧૦૦૦ રૂ. ઘાસ લેવા આપવા અને ગોપાલક મંડળ એની વ્યવસ્થા કરે. ઘાસમાં ૫૦ ટકા સબસીડી આપવી. અને તદન નિરાધાર લાગે તેવાઓને મફત આપવું. એમ ઠરાવ્યું. ભલાભાઈ બહારથી ઢોર આવે એની વ્યવસ્થા રાખે. અમલદારોને મળે. સુરાભાઈ ધોલેરાવાળા સાથે મળીને છારોડીથી ૧૦૦૦ ગાંસડી ઘાસ મેળવવાની વ્યવસ્થા કરે. અને ચરે તેટલાંની ગેરંટી કરે. રાત્રે ચંપકભાઈ પૂજારા આવેલા. તેમને સાથે મોકલ્યા. સાધુતાની પગદંડી
દ૯
