________________
મોરારજીભાઈએ પ્રવચન કર્યું હતું. પોતાની ઈચ્છા શું હતી તે કહી બતાવ્યું. પહેલાં પોતે એક આદર્શ શિક્ષક થવા ઇચ્છતા હતા. અગર નિસર્ગોપચાર કેન્દ્ર કરી સેવા કરવાનું વિચારતા હતા. સેવાકાર્યથી મોક્ષ નથી. એમ તેઓ માનતા હતા. પણ સાથે સાથે બને તેટલું નિષ્કામ કર્મ કરવું જોઈએ. જમીનદારી પ્રશ્ન ઉપર બોલતાં તેમણે જણાવ્યું કે જમીનદારી અને ભાગવટી હવે બહુ ઝડપથી નાશ પામવાની છે. અને બીજી વાતો કરી.
બપોરના મહારાજશ્રી સાથે પ્રદર્શન જોયું. પછી ભોજન માટે છૂટા પડ્યા. ભોજન પછી થોડો આરામ કરીને મહારાજશ્રીની સાથે વ્યક્તિગત વાતો કરી. ઠીક ઠીક સમય મળ્યો. વચ્ચે રસિકભાઈ પરીખે થોડો સમય લીધો. ત્યાર બાદ ચર્ચા કરીને હરિજનવાસની બંને જણે મુલાકાત લીધી. રાત્રે જાહેરસભા થઈ. ખૂબ મોટી સંખ્યામાં સ્ત્રીઓ અને પુરુષોએ હાજરી આપી હતી. મોરારજીભાઈએ ખેડૂતોને ઉપયોગી એવું પ્રવચન કર્યું હતું. બહેનોએ જે ઘૂમટો કાઢીને બેઠી હતી તેમની સખત ઝાટકણી કાઢી. અને બળવાન થવા કહ્યું. દશ વાગ્યા પછી મોરારજીભાઈ મેલ પકડવા રવાના થયા હતા. સભામાં ઠરાવો પસાર થયા પછી મહારાજશ્રીના પ્રવચન બાદ સભા પૂરી થઈ હતી. એસ.ટી. બસ સેવાએ પોતાની સર્વિસ ધંધૂકાથી પૂરી પાડી હતી. તા. ૫-૧૯૫૨ : ધોળી
ખડોલથી નીકળી ધોળી આવ્યા. અંતર ચાર માઈલ હશે. ઉતારો કેશુભાઈને ત્યાં રાખ્યો હતો. તળાવ ખોદાણ થતું હતું ત્યાં જોવા ગયા આખા તળાવમાં વીરડાઓ ગાળ્યા છે. અને દરેક વીરડે એક એક ખાટલો અને ચોકીદાર જોયો. પાણીની કેટલી કિંમત છે તે આ ઉપરથી સમજાય છે. અહીંના આગેવાન કેશુભાઈ કાળુભાઈ પટેલ છે. તા. ૨૮-૫-૧૫ર ઃ ક્યાલપુર
ધોળીથી નીકળી કમાલપુર આવ્યા. અંતર ત્રણ માઈલ હશે. અહીંનું તળાવ ખોદાણ સારી રીતે ચાલે છે. ગૂંદી સંસ્થા તરફથી આ ખોદાણકામ ચાલે છે. આગેવાનો સગરામજી રાણા તથા પ્રતાપસંગભાઈ છે.
સાધુતાની પગદંડી
