________________
તા. ૨૯,૩૦-પ-૧૫ર : બરોલ
કમાલપુરથી નીકળી બરોલ આવ્યા. અંતર પાંચ માઈલ હશે. ઉતારો પાનાચંદભાઈને ત્યાં રાખ્યો હતો. રાત્રિસભામાં જમીનની વહેંચણી વિશે ચર્ચા કરી. આગેવાનોમાં પાનાચંદ ત્રિકમલાલ, બાબુભાઈ જીવરાજ મોહબતસંગ કાળુભાઈ ઝાલા. તા. ૩૧-૫-૧૯૫૨ : ઝનસાળી
બરોલથી નીકળી ઝનસાળી આવ્યા. અંતર ચાર માઈલ હશે. અહીં થોડું રોકાઈને મીઠાપુર આવ્યા. અંતર બે માઈલ હશે ઉતારો ચોરામાં રાખ્યો હતો. તા. ૧-૬-૧૯૫ર થી ~-૧૯૫૨ ઃ (એક સપ્તાહનું રોકણ) શિયાળ
મીઠાપુરથી નીકળી શિયાળ આવ્યા. અંતર પાંચ માઈલ હશે. ઉતારો કસ્ટમના બંગલામાં સર્વોદય કેન્દ્રમાં રાખ્યો હતો. આ વખતે આવવાનું મુખ્ય કારણ કપાસિયાની ઘટ પ્રકરણ અંગે થયું હતું. ૧૦૩ મણ કપાસિયા ખેડૂતમંડળની દુકાનમાં ઘટતા હતા. ગુનેગાર કોણ એ પકડાતો નહોતો. એટલે એ શોધી કાઢવા માટે મહારાજશ્રી ઉપવાસ કરવા તૈયાર થતા હતા. મંડળીના કાર્યકર્તા (હરિપ્રસાદ) ગુનેગાર જણાયા હતા. એક ઉપવાસ થયો મહારાજશ્રીની સાથે કાર્યકરો અને ગામના થોડા ભાઈઓ પણ ઉપવાસમાં જોડાયા હતા. રાત્રે પેલા કાર્યકરભાઈ મળવા આવ્યા. અને સાડી અઠ્ઠાવીસ મણની ભૂલ કબૂલ કરી. એમને જામીન લાવવાનું કહ્યું હતું. પણ તેઓ લાવી શક્યા નહિ. મહારાજશ્રીએ તેમને મીઠો ઠપકો આપ્યો. અને ખૂબ દુઃખ વ્યક્ત કર્યું. ગામ લોકોને પણ પોતાની ફરજ સમજાવી. તા. ૮-૬-૧૫ર : બગોદરા
આમ શિયાળમાં અઠવાડિયું રોકાઈ મુખ્ય પ્રશ્ન પતાવી શિયાળથી નીકળી બગોદરા આવ્યા. અંતર પાંચ માઈલ હશે. ઉતારો ચોરામાં રાખ્યો હતો.
સાધુતાની પગદંડી
