________________
૯. ૨૦-૫-૧૯૫૨ : લોલિયા
ગૂંદીથી નીકળી લોલિયા આવ્યા. અંતર પાંચ માઈલ હશે. ઉતારો ચોરામાં રાખ્યો હતો. તા. ૨૧-૫-૧૯૫ર : વખતપુર
લોલિયાથી વખતપુર આવ્યા. અંતર છ માઈલ હશે ઉતારો એક ભાઈને ત્યાં રાખ્યો હતો. તળાવનું ખોદાણ કામ ચાલે છે. તે જોવા ગયા હતા. તા. ૨૨ થી ૨૬-૫-૧૯૫૨ : ખડોલ
વખતપુરથી ખડોલ આવ્યા. અંતર છ માઈલ હશે. ઉતારો ચોરામાં રાખ્યો હતો. અહીં તા. ૨પમીએ ખેડૂત પરિષદ ભરાવાની હતી. એટલે વહેલા આવ્યા હતા. કાર્યકરો તા. ૨૦થી આવી ગયા હતા. ગામની બહાર મેદાનમાં મોટો શમિયાણો ઊભો કરવામાં આવ્યો હતો. એમાં સુંદર મંચ બનાવ્યો હતો. મંચને રંગબેરંગી ભરતવાળા ચાકળાથી સુશોભિત કર્યો હતો. બે મશીનો મૂકીને લાઉડસ્પીકર અને ઈલેક્ટ્રીકની વ્યવસ્થા પણ કરવામાં આવી હતી. - સાંજના એક ટેક બધાને જમવાનું રાખ્યું હતું. સવારમાં ગામે જમાડ્યા હતા. જમવામાં પુરી અને શાક બનાવ્યું હતું. પાણી ટૅકરોથી પૂરું પાડ્યું હતું. આનો બધો ખર્ચ ખેડૂતમંડળે ઉપાડ્યો હતો.
વહેલી સવારના આખું ગામ શ્રી મોરારજીભાઈના સ્વાગત માટે તૈયારી કરી રહ્યું હતું. બહેનો સ્વાગત માટે પુષ્પમાળાઓ લઈને તૈયાર થઈ હતી. બધાં ભાગોળે ગયાં. આગળથી ઘોડેસવારો ખબર લેવા ગયા હતા. દૂરથી મોટર દેખાઈ, એટલે બધાં તૈયાર થઈ ગયાં. મોરારજીભાઈ દેસાઈ આવ્યા. સૌએ તેમનું ભવ્ય સ્વાગત કર્યું. પછી છ બળદની જોડેલી બળદગાડીમાં, વહેલમાં એમને બેસાડવામાં આવ્યા. સરઘસ આકારે ગામમાં ફર્યા, બહેનોએ સ્વાગતમાં તિલક કર્યું. લોકોએ શ્રીફળ ધર્યા. મહારાજશ્રી પોતાના નિવાસેથી બહાર આવ્યા. બંને જણ ખૂબ પ્રેમથી મળ્યા. પછી બધાં ધ્વજવંદન માટે ગયાં. ધ્વજવંદન પછી કાર્યકરોની મિટિંગ રાખી હતી. તેમાં ખેડૂતોને પણ આવવા દીધા હતા. કાર્યકરોએ ભાલમાં ચાલતાં કાર્યો તેની પાસેની દૃષ્ટિ અને જો ઈતી મદદ વગેરે હકીકત કહી. પછી સાધુતાની પગદંડી
પ૯
