________________
તા. ૧૯,૨૦-૩-૧૯૫૩ : ખિલોસ
ધ્રોળથી નીકળી ખિલોસ આવ્યા. અંતર નવ માઈલ હશે. ઉતારો ઉપાશ્રયમાં રાખ્યો હતો. રાત્રે જાહેરસભા થઈ. અહીંના ઘણા મુસલમાનો પાકિસ્તાન ચાલ્યા ગયા છે.
તા. ૨૧-૩-૧૯૫૩ : અલિયાબાડા
ખિલોસથી નીકળી અલિયાબાડા આવ્યા. અંતર સાત માઈલ હશે. ઉતારો ધર્મશાળામાં રાખ્યો હતો. ગામ લોકોએ સ્વાગત કર્યું હતું. અલિયા અને બાડા એ બે જુદાં ગામ છે. છતાં એક બોલાય છે કહેવાય છે અહીં લોકશાળા નામની એક શાળા ચાલે છે. તે ખેતીનું કામ કરે છે. સંસ્થાની ૯૬ એકર જમીન છે. પાંચ, છ કૂવા છે. પણ એક જ કૂવામાં પાણી છે. તા. ૨૨-૩-૧૯૫૩ : જામુંડા
અલિયાબાડાથી નીકળી જામુંડા આવ્યા. અંતર છ માઈલ હશે ઉતારો ઉતારામાં રાખ્યો. અમારી સાથે દશેક ભાઈઓ હતા. વિદ્યાર્થીઓ સ્વાગત માટે દૂર સુધી સામે આવ્યા હતા. ગામલોકોએ ધજા, પતાકાથી ગામને શણગાર્યું હતું. રાત્રે જાહેરસભા સારી થઈ.
તા. ૨૩-૩-૧૯૫૩ : ધૂવાવ
જામુંડાથી વાવ આવ્યા. અંતર સાત માઈલ હશે. ઉતારો દેરાસરમાં રાખ્યો હતો. ગામમાં બહુ ઉત્સાહ ન દેખાયો. એનું કારણ આપસ આપસનો કલહ દેખાયો. રાત્રિ સભામાં મહારાજશ્રીએ સંપીને રહેવા અને કલહથી કેટલું નુકસાન થાય છે તે જણાવ્યું.
તા. ૨૪ થી ૩૦-૩-૧૯૫૩ : જામનગર
ધૂવાવથી નીકળી જામનગર આવ્યા. અંતર પાંચ માઈલ હશે. ઉતારો લોકાગચ્છના ઉપાશ્રયમાં રાખ્યો હતો. લોકો મહારાજશ્રીથી પરિચિત હતા. એટલે બહુ પ્રેમથી સ્વાગત કર્યું. નિવાસે પ્રાસંગિક કહેતાં મહારાજશ્રીએ જણાવ્યું કે પાંચ વરસ પછીથી અહીં આવવાનું થયું છે. અને એ દરમિયાન કેટલાક ફેરફારો થઈ ગયા છે. હવે એક નવું ચિત્ર ઊભું કરવાની જરૂર છે. સ્વરાજ્ય આવ્યું છે. તેમાં શહેરોએ ગામડાં તરફ દૃષ્ટિ રાખવાની
સાધુતાની પગદંડી
૧૫૦
