________________
તા. ૯ થી ૧૬
કાર્યકર્તા તાલીમ વર્ગ શરૂ થયો. એના માટે સુંદર મંડપ બંધાયો હતો. શરૂઆતમાં ૨૮ ભાઈ બહેનો જોડાયાં હતાં. પછી ઘટ્યાં હતાં. રવિશંકર મહારાજે તેનું સંચાલન કર્યું હતું.
એક દિવસ હાઈસ્કૂલમાં વિદ્યાર્થીઓ અને શિક્ષકોની મિટિંગ હતી. રાત્રિસભા હરિજનવાસમાં રાખી હતી. હરિજનોએ સુશોભિત મંડપ બાંધ્યો હતો. મહારાજશ્રીએ હરિજન પ્રશ્ન ક્યાંથી ઉત્પન્ન થયો છે અને બીજાં કારણો શાસ્ત્રીય રીતે સમજાવ્યાં હતાં.
તા. ૧૫મીએ સવારના નવ વાગે કન્યાશાળામાં શિક્ષક-શિક્ષિકાઓની એક સભા રાખી હતી. તેમાં મહારાશ્રી ઉપરાંત દુલેરાય માટલિયાએ પણ માર્ગદર્શન આપ્યું હતું. ૩ થી ૪ વાગ્યે બહેનોની સભા રાખી હતી. તા. ૧૫-૩-૧૯૫૩
આજે સવારના બાદનપુરની નિશાળનું ઉદ્દઘાટન હતું. એટલે જાદવજી મોદી આવ્યા હતા. અહીંનો તાલીમ વર્ગ પણ તે દિવસે જવાનો હતો. એટલે શામેલ થઈ ગયા.
અહીં રંભાબહેન ગણાત્રા સંસ્થાનાં મુખ્ય સંચાલક છે. તેઓ બહુજ આનંદિત અને વાત્સલ્યપ્રેમી માતા જેવાં છે. એમણે સાથે રહીને દરેક કાર્યમાં સહકાર આપ્યો હતો. આ દિવસોમાં અહીં જુદું જુદું ૧૩ વીઘા ભૂદાન મળ્યું હતું. તા. ૧-૩-૧૫૩ : લખતર
ધૂળિયાથી નીકળી બાદરા થઈ લખતર આવ્યાં અંતર છ માઈલ હશે. ઉતારો નિશાળમાં રાખ્યો હતો. અમારી સાથે ઘણાં ભાઈ બહેનો આવ્યાં હતાં. તા. ૧૮-૩-૧૯૫૩ : ધ્રોળ
લખતરથી નીકળી ઘોળ આવ્યા. અંતર પાંચ માઈલ હશે. ઉતારો ભાટિયા નિવાસમાં રાખ્યો હતો. અહીં ૪૫ વીઘા ભૂદાન મળ્યું હતું.
સાધુતાની પગદંડી
૧૪૯
