________________
કરાવો. મહારાજશ્રીએ પોતાનું દૃષ્ટિબિંદુ સમજાવ્યું. અને કહ્યું કે, આપણે એનો તોડ કાઢવો જોઈએ. પરિષદે પણ પોતાના તરફથી શાંતિ જાળવવી જોઈએ. જો એક પક્ષ શાંતિ ના જાળવે તો, સરકારને પોલિસ ઉઠાવી લેવાનું કેમ કહી શકાય ? છેવટે બધા એકાંતમાં મળ્યા. અને મહારાજશ્રીએ બને તેટલું તેમના મનનું સમાધાન કર્યું હતું.
મોડીરાત્રે વજુભાઈ આવ્યા હતા. અને આ પ્રસંગ ઉપર નિવેદન બહાર પાડ્યું હતું.
તા. ૨૪-૧-૧૯૫૩
સવારના મહારાજશ્રી નિરીક્ષણ માટે નીકળ્યા સાથે કનુભાઈ ગાંધી, બાબુભાઈ વૈદ્ય વગેરે હતા. કરણસિંહજી સ્કૂલના વિદ્યાર્થીઓ હડતાલ પાડી બહાર નીકળતા હતા. ત્યાં જ અમે મળી ગયા. એટલે એમણે લાઠીગોળીકી સરકાર નહીં જોઈએ વગેરે સૂત્રો પોકાર્યાં. મહારાજશ્રી ત્યાં ગયા અને પછી નિશાળના કંપાઉન્ડમાં સૌ મળ્યા વિદ્યાર્થીઓને જે કહેવું હતું તે છૂટથી કહેવા કહ્યું. પછી મહારાજશ્રીએ બોધના બે શબ્દો કહેતા જણાવ્યું કે, વિદ્યાર્થીઓએ ભણવામાં ધ્યાન આપવું જોઈએ. લડતમાં ખોટા રસ્તા ના લેવા, દેશનો ઉદ્ધાર કરવો હોય તો પરિશ્રમ કે ભૂદાન કરવું જોઈએ. પછી અમો ગઈ કાલે લાઠીમાર થયો હતો. એવા દર્દીઓને મળ્યા. લોકોને મળ્યા. ચોક જોયો અને પાછા આવ્યા. આ દરમ્યાન મોટાં ટોળાં અમારી પાછળ ફરતાં હતાં.
સાંજના સરકારી દવાખાને જ્યાં એક ભાઈને ગંભીર લાઠીમાર થયેલો તેને જોવા ગયા. તેમની સ્થિતિ ઠીક હતી. પાછા આવતાં ડૉક્ટર અંતાણીને મળ્યા.
પાઉ કરીને એકભાઈને લોહીની ઊલટી થઈ. તેટલો સખ઼ માર પોલીસે માર્યો છે. એવી ફરિયાદ આવેલી તે ઉપરથી મહારાજશ્રીએ વાતચીત કરી. ડૉક્ટરે કહ્યું, માર પડ્યો છે પણ પોલીસને, પાઉંને નહિ. હું ગયો ત્યારે પાઉં નાહી ધોઈને ધોતિયું પહેરતા હતા. વળી ત્યાં જ જેલમાં ટેલિફોન કરી પુછાવ્યું કે મહારાજશ્રી આપની તબિયતના સમાચાર પુછાવે છે તો કહ્યું બહુ સારી છે.
સાધુતાની પગદંડી
૧૨૯
