________________
તા. ૧૮-૧-૧૯૫૩
આજે પ્રાર્થના બાદ ઢેબરભાઈ અને મનુભાઈ પંચોળી આવ્યા. આજે પણ પોતાની શાંતિ માટે ઉપવાસ કરવાનું મહારાજશ્રીએ જણાવ્યું.
તા. ૧૯-૧-૧૯૫૩
આજે પારણાં કર્યાં. જુદી જુદી મુલાકાતો થઈ હતી.
તા. ૨૧-૧-૧૯૫૩
આજે મકાનમાલિક રહેવા આવનાર હોવાથી સીતારામ બિલ્ડીંગમાં
આવ્યા.
તા. ૨૩-૧-૧૯૫૩
આજે શહે૨માં પર્યટન માટે નીકળ્યાં. આલ્ફેડ હાઈસ્કૂલ, ગર્લ્સસ્કૂલ, કિરણસિંહજી મિલૢસ્કૂલ, ઈન્કમટેક્ષ ઓફિસ વગેરે સ્થળે જઈ આવ્યા. છોકરાઓએ પથ્થર વગેરેથી નિશાળને નુકસાન કર્યું હતું તે જોયું. કિરણસિંહજી સ્કૂલના કંપાઉન્ડમાં છોકરાઓએ અમને ઘેરી લીધા. ધક્કા, મુક્કી કરી અમારા બે જણની ટોપીઓ ઉછાળી. ગમે તેમ બોલ્યા. આ સ્થિતિમાં બે વાર મહારાજશ્રી બેસી ગયા હતા. રાષ્ટ્રીયશાળામાં વાત પહોંચી કે, મહારાજશ્રીને ઘેરી લીધા છે. એટલે છગનભાઈ જોશી, બાબુભાઈ વૈદ્ય અને બીજા કાર્યકરો આવી પહોંચ્યા. પાછા આવતાં રસ્તામાં લોકોએ મોટા પથરા ગોઠવી રસ્તો બંધ કરેલો. તે અમે બધાએ પથરા ઉપાડી સાફ કર્યો. કાંતિભાઈ, કરીને એક ભાઈએ મહારાજશ્રી સાથે જૈન ધર્મ વિષે ઉગ્ર ચર્ચા કરી. ગમે તેમ બોલ્યા. મહારાજશ્રીએ તેમને શાંતિથી સમજાવ્યા.
સાંજના ફરી ફરવા જવાનું હતું. પણ વિદ્યાર્થીઓ વગેરે મળવા આવેલા. એટલે રોકાઈ ગયા. નટવરસિંહ જાડેજા રાષ્ટ્રશક્તિવાળા બે ભાઈઓ મળી ગયા. શહે૨માં વેચાણવેરા અંગે ઉગ્ર આંદોલન ચાલતું હતું. રાત્રે પ્રાર્થના બાદ પરિષદના આગેવાનો મહારાજશ્રીને મળવા આવ્યા. પોલીસે લાઠીમાર કર્યો હતો. તેથી ગુસ્સામાં હતા. તેમણે કહ્યું, આપ સરકારનો પક્ષ લો છો, પણ કેટલો બેફામ લાઠીમાર કર્યો તેની તપાસ સાધુતાની પગદંડી
૧૮
