________________
અહીં ૧૨૦ વીઘા ભૂદાન થયું હતું. ઉપરાંત ગાજણવાવ ગામે ૩૮ વીઘા ભૂદાન આપ્યું હતું. - ઈશ્વર ગોસ્વામીએ મેઠાણ ગામમાંથી ૨૦૬ાા વીઘા ભૂદાન મેળવ્યું. એની યાદી આપી. તા. ૬,૭,૮-૧-૧૯૫૪ : ધ્રાંગધ્રા
જસાપરથી નીકળી અમે ધ્રાંગધ્રા આવ્યા. અંતર ચાર માઈલ હશે. ઉતારો કામદારસંઘના મકાનમાં રાખ્યો હતો. કુરેશીભાઈ, છોટુભાઈ મળવા આવ્યા હતા. સાંજે કામદારોની સભા રાખી હતી. અને રાત્રે જાહેરસભા અહીં જ રાખી હતી. સભામાં મહારાજશ્રીએ જણાવ્યું કે આજે ધ્રાંગધ્રામાં ૨૧વરસે આવું છું. કેટલાંય બાળકો આજે જુવાન થઈ ગયાં હશે. તે વખતે તમે મને ખૂબ આવકાર્યો હતો. તે સ્મરણ હજુ ભુલાતું નથી. તે વખતે મેં રાજવીની હાજરીમાં અવધાનના પ્રયોગો કર્યા હતા. ત્યાર પછી ઘણા પ્રસંગ આવી ગયા. આજે સામાન્ય રીતે ગ્રીન ચોકમાં સભા રાખવાની હતી, પણ હવામાન વરસાદને વાતાવરણને કારણે ત્યાં ના જઈ શકાયું.
બપોરના બહેનોની સભા રાખી હતી.
ત્યારપછી સાડાત્રણથી પાંચ અગરિયા ભાઈઓના સંમેલન અંગે વિષય વિચારની સભા મળી હતી. રાત્રે અગરિયાનું જાહેર સંમેલન રાખ્યું હતું. ઢેબરભાઈ આવવાના હતા. એટલે વેપારીઓનું કાળા વાવટા સાથેનું સરઘસ નીકળ્યું હતું.
મીઠા સંમેલનના પ્રમુખ ભૂપતભાઈ દેસાઈ હતા. સંમેલનમાં અગરિયાના પ્રશ્નો અંગે ખૂબ ઉપયોગી ચર્ચા થઈ. અને સક્રિય નિર્ણયો લેવાયા હતા.
- રાત્રે બાર વાગ્યે સભા પૂરી થઈ. ત્યારબાદ પણ મહારાજશ્રીએ ઢેબરભાઈ સાથે ચર્ચાઓ કરી હતી. વજુભાઈ શાહ, જયંતી પંડ્યા પણ આવ્યા હતા. ઢેબરભાઈની સાથે વાતચીત થયા પછી અમો કાર્યક્રમ બદલીને રાજકોટ જવાનું નક્કી કર્યું. ત્યાં વેચાણવેરા આંદોલન ચાલતું હતું. તા. ૮-૧-૧૯૫૩ : બાવળી
ધ્રાંગધ્રાથી નીકળી સાંજના બાળળી આવ્યા. અંતર સાત માઈલ હશે.
સાધુતાની પગદંડી
૧ ૨૩
