________________
પૂ. નાનચંદ્રજી મહારાજે સભામાં જણાવ્યું કે, ત્ર્યંબકભાઈએ તમને કહ્યું, પંચાયત રચવામાં તમારી ગૂંચ ક્યાં છે ? તમારા ગામનો ન્યાય તમે કરો. રસ્તા સુધારો, દીવાબત્તી કરો. ખોટું શું છે ? ભૂદાનમાં તમે નામ નોંધાવ્યાં તે આનંદ પામવા જેવું છે. કુદરત કહે છે, કે અમે આપીએ છીએ. તમો પણ આપો. નદી, વૃક્ષ, પશુ, પક્ષી બધાં જ આપે છે. અને લે છે. પશુ જીવે ત્યાં સુધી ખડના ડુંખળાં ખાયને દૂધ આપે. મરી ગયા પછી ચામડું કામ આવે. માંસ કામ આવે, આંતરડાં કામ આવે, માણસ જો એમ જ મરી જાય તો શું કામનો ? હિરજન ભાઈએ જે જમીન આપી તે કેટલી ઉદારતા છે ? અભડાવનાર તો વિષય વિકાર દોષ છે માણસથી માણસ અભડાય જ નહિ બધાં ભગવાનના જ બાળકો છે. અમે ઊંચા એ નીચાં, એ ક્ષુદ્રભાવ છે. એકભાવ રાખીએ તો જ વરસાદ વરસે. વરસાદ કંઈ ભેદભાવ રાખતો નથી.
બીજી વાત આપણામાં સંપ નથી. પાંચ માણસ એક ગામને લૂંટે અને સેંકડો ધર્મ કરનારા બારણાં બંધ કરી ભાગી જાય. એ શું બતાવે છે? લૂંટવું એ અધર્મ છે. એ અધર્મનો જય થયો. અને તમો ધર્મી કહેવડાવો છો તેનો પરાજય થયો. એ પાંચ જણા માથું મૂકવાનો ધર્મ લઈને આવ્યા હતા. આપણે માથું મૂકવાનો ધર્મ સમજીએ મનનો મેલ કાઢવો એ ઉદારતા છે. કાંટો રાખે તેનાથી ભગવાન ભાગે છે. ભગવાન કહે છે, મને પૂજા નથી જોઈતી પણ સર્વમાં મને જુઓ. તેવું મને જોઈએ છીએ. અને મારામાં સર્વને જુઓ. ભક્તને આભડછેટ ના હોય, એટલે પંચાયત રચી નાખો. અહીંયાં ૩૪૩ વીઘાં ભૂદાન થયું. ગોમઠાનુ ૧૫૦ વીઘા, વસતડીનું ૬૯ વીઘા ભૂદાન મળ્યું.
તા. ૨૯ થી ૩-૧૨-૧૯૫૨ : લીંબડી
બળદાણાથી વિહાર કરી પૂ. નાનચંદ્રજી મહારાજ વગેરે અમે સૌ લીંબડી આવ્યા. અંતર ૮ માઈલ હશે. આવીને પ્રથમ ઉપાશ્રયમાં પ્રવચન કર્યું હતું. પછી સંતબાલજીએ ગિરધરભાઈના બંગલે નિવાસ કર્યો હતો. સભામાં નાનચંદ્રજી મહારાજે કહ્યું કે, અમારું આવવાનું મોડું થયું. કારણ કે ત્યાં સંતબાલ આવવાના હતા. અને ૨૩મી એ ચુંવાળિયાનું સંમેલન હતું. અહીં મને આકર્ષણ ખૂબ છે. એટલે ચોમાસાં ઘણાં કર્યા સાધુતાની પગદંડી
૧૦૯
