________________
અને સંગઠિત બનીને સરકાર અને પ્રજા સામે અવાજ ઉઠાવતાં થાવ. આ ગામમાં ૧૫૦ એકર ભૂદાન મળ્યું.
આ ગામમાં નવલખો મહેલ છે. ખૂબ પ્રાચીન અને ભવ્ય ઈમારત છે. કેટલુંક તૂટી જવા આવ્યું છે. છતાં તેની કોતરણી અને પ્રાચીન કળા અજબ છે. ૬૪ થાંભલા ઉપર ઈમારત ખડી છે.
તા. ૧૭-૧૧-૧૯૫૨ : સાયલા (ગુરુદેવની સાધનાભૂમિ)
સેજકપુરથી નીકળી સાયલા આવ્યા. અંતર નવ માઈલ હશે. ઉતારો ઉપાશ્રયમાં રાખ્યો હતો. અહીં મોટા ગુરુદેવ પૂ. નાનચંદ્રજી મહારાજ બિરાજતા હતા. ગામ લોકો અને તેમની સાથે ચિત્તમુનિ અને મહાસતીજીઓ પણ સ્વાગત માટે સામે આવ્યા હતા. અમારે સુદામડા જવાનું હતું, પણ પૂ. નાનચંદ્રજી મહારાજની જયંતી હોવાથી તે ભાઈઓને નિરાશ કરીને અમારે સીધું આવવું પડ્યું.
આવતાંવેંત ગુરુ-શિષ્ય બહુ પ્રેમથી ભેટ્યા. સંતબાલજીએ ખૂબ ભાવપૂર્વક ગુરુને વંદના-નમસ્કાર કર્યાં. સાધ્વીજીઓ સામે આવેલાં, તેમાં બંનેએ એકબીજાને વંદના કરી. સામાન્ય રિવાજ એવો હોય છે કે સાધ્વી ગમે તેટલાં વૃદ્ધા હોય અને સાધુ નવા જ દીક્ષિત થયા હોય તો પણ સાધ્વી સાધુને વંદન કરે. સંતબાલજી એમ માને છે કે, મોક્ષનો અધિકાર બંનેનો સરખો છે. કોઈ ઊંચનીચ નથી. એટલે દીક્ષાએ જે મોટા હોય તેમને વંદન કરવા જોઈએ. આ તેમના જીવનની સ્ત્રીસન્માનની એક મોટી ક્રાંતિ આપણને જોવા મળે છે.
તા. ૧૮-૧૧-૧૯૫૨
ગુરુદેવ નાનચંદ્રજી મહારાજની જયંતી.
આજે પૂ. ગુરુદેવનો ૭૬મો જયંતી દિવસ હતો. ૭પ પૂરાં થયાં. પ્રાર્થના પછી ગુરુદેવે આત્મશોધન અંગે પ્રવચન કર્યું. પછી પ્રભાતફેરી શરૂ થઈ. પ્રભાતફેરી નીકળી.
જયંતી ઉજવણીનો કાર્યક્રમ સંતબાલજીના પ્રવચનથી શરૂ થયો. પૂ. સંતબાલજીએ સદ્ગુરુ કોને કહેવાય ? જયંતી કોની ઉજવાય અને તે કેવી રીતે ઉજવવી એ વિગતે સમજાવ્યું.
સાધુતાની પગદંડી
22
