________________
એમ ઠરાવ્યું. મધ્યપ્રદેશ, કરતાં જમીન મેળવવામાં આ રીતે ગુજરાતમાં બીજો નંબર આવે છે. શ્રી જુગતરામભાઈની ઈચ્છા પાંચ લાખ એકરનો સંકલ્પ કરવાની હતી. પણ સંતબાલજી, દાદા અને બબલભાઈનો આગ્રહ એ થયો કે જેટલું નક્કી કરવું, તેટલું મેળવવાનો પ્રયત્ન કરવો જોઈએ. સંકલ્પમાંથી પાછા ફરવાનું થાય તે બરાબર નથી. પ્રયત્ન કરતાં, સંકલ્પ કરતાં, જમીન વધે તો સારું છે.
પ્રચાર ખર્ચ કરવામાં ભાઈ નારાયણનો આગ્રહ એ હતો કે આપણે જ પ્રયત્ન કરવો ત્યારે જુગતરામભાઈ એમ માનતા હતા કે દરેક સંસ્થા કે વ્યક્તિ પોતપોતાના પ્રદેશનું વિચારે. અને પોતે જ ખર્ચ કરે. દરેકને પોતાપણું લાગવું જોઈએ. તા. ર૬-૭-૧૫૨
એક પ્રવચન કરતાં મહારાજશ્રીએ જણાવ્યું કે, જે વસ્તુ માણસને પરાણે લાદવામાં આવે એ માણસ સહન કરી શકતો નથી. અથવા તેને ફેંકી દે છે. એટલે જ આપણા ઋષિ મુનિઓએ ઠરાવ્યું કે, લોકહૃદયમાં પ્રવેશ કરવા માટે, લોકોને પ્રેરણા જાગે. અને તે જાગી જાય. એક સાધક જેના તરફ પોતાનું મન વહે છે તે સાધક એ પિતા પાસે યાચના કરે છે, કે ક્યાં પાપ મેં કર્યા છે કે આવું થાય છે. માણસને ઊંધ ગમે છે. આળસ ગમે છે. એ બધું હોવા છતાં તારા તરફનો પ્રેમ પળે પળે યાદ આવે છે. એ બધામાં હું એક પાત્ર તરીકે કામ કરી રહ્યો છું. તેમ છતાં મારું દિલ ચોંટતું નથી. એટલું નહિ પણ એવી પાત્રતા પણ આવતી નથી. જે બદબો છે તે ગમે છે અને સુગંધ છે, તે ગમતી નથી. ત્યારે અંતરનો અવાજ આવે છે કે, અલ્યા ! તું જે ઝંખે છે, ઈચ્છે છે, એ તો તારી પાસે છે પણ એનું શોધન કરવા તારે તારાં આવરણો દૂર કરવાં જોઈએ. જૈનસૂત્રમાં કહ્યું, માણસ ધર્મ ક્યારે કરી શકે કે જ્યારે હૃદય પવિત્ર થાય. આવરણો દૂર ક્યારે થાય છે, જયારે દોષો દૂર કરવાની તૈયારી થાય. મારે નિંદા કરવી જ નથી. મારા મનમાં દોષો પેસશે તો બળ કરીને કાઢી નાખીશ. જેમ શરીરમાં એક રોગ ઘર ઘાલે તો લાંબા વખત સુધી પરેજી પાળવી પડે છે. તેમ છતાં રોગ જાય ખરો અને ના પણ જાય. એવું જ આપણા શરીરમાં પડેલું છે. કેટલીય ત્રુટિઓ પડેલી છે. તેને કાઢવા છતાં જતી ૭૮
સાધુતાની પગદંડી
