________________
લાખનો ખર્ચ છે. પણ દરવર્ષે ૧૦ લાખનો ફાયદો થશે. છેવટમાં મોહનભાઈએ કહ્યું કે ગ્રામપંચાયતનો ઉપલી અધિકારી સમાજસેવા કરનાર કાર્યકર હોવો જોઈએ. જેથી આ બધા પ્રશ્નો સહેલાઈથી પતી જાય. અને બધા કરતા ચારેય તાલુકાનું પુનર્ચના કરતાં પહેલા, અમલદારોની પુનરરચના થવી જોઈએ જો અમલદારો અનુકૂળ ન હોય તો, કોઈ કામ થઈ શકવાનું નથી. ત્યારબાદ ખેડૂત મંડળ અને કોંગ્રેસના સંબંધો વિષે ચર્ચા ચાલી હતી. કોંગ્રેસનું બીજું સ્થાન ખેડૂત મંડળ લેશે. એમ તેમણે કહ્યું હતું. તા. ૨૫-૭-૧૫૨
આજે ગુજરાત ભૂમિદાન સમિતિની બેઠક અહીં મળી હતી. પ્રથમ પાછળની કાર્યવાહી વાંચી સંભળાવી. પછી મહારાજશ્રીએ ભૂમિધારકનું પ્રમાણપત્ર, તેની લાયકાત અને પ્રતિષ્ઠાને માટે અપાતી જમીન વિષે કેટલાક સૂચનો ખાનગીમાં કર્યા હતા. ત્યારબાદ આ ચાર તાલુકાનું કામ પ્રાયોગિક સંઘ કરશે અને નવલભાઈ પ્રમાણપત્ર આપશે. બીજા કોઈને પ્રમાણપત્ર જોઈતું હોય તો આપવું પણ સંઘની સલાહ લેવી.
ચાર તાલુકામાંથી પાંચ હજાર એકર જમીન મેળવી આપવાનો વિચાર કર્યો હતો.
ગામલોકોની એવી ઈચ્છા હતી કે, એક જાહેરસભા રાખવી અને લોકોને આવેલા નેતાઓનો લાભ આપવો. એ રીતે જાહેર સભા થઈ. પ્રથમ કુરેશીભાઈએ આગેવાનોનો પરિચય કરાવ્યો. ત્યારબાદ જુગતરામભાઈ દવે, બબલભાઈ મહેતા, નારાયણ દેસાઈ, રવિશંકર મહારાજ, વગેરેનાં પ્રવચન થયાં.
સભામાં ૨૫૦ એકર જમીન દાનમાં મળી. તેની જાહેરાત થઈ. ત્યારબાદ અધૂરું રહેલ ભૂદાન સમિતિનું કામ આગળ ચાલ્યું. ભૂદાન સપ્તાહ ઉજવવાનું નક્કી થયું. - સંતબાલજીની ઇચ્છા સૌરાષ્ટ્ર, કચ્છ અને ગુજરાતમાં મળીને સવાલાખ એકર જમીન ભૂદાનમાં મેળવવાનો સંકલ્પ કરવાની હતી. પણ આપણે ગુજરાત પૂરતું વિચારીએ છીએ. એટલે છેવટે પંચોતેર હજાર એકર મેળવવી
સાધુતાની પગદંડી
૭૭
