________________
५६६
टीपा
श्लोक १ :- (टीकाकाराच्या मते, विद्यासिद्धीसाठी कोणा एका सिद्ध पुरुषाने नायिकेला धन इत्यादी देऊन, तिचा भर्ता मागितला, तेव्हा ती हे शब्द उच्चारते :-) हे घेऊन जर मला प्रियकराचा त्याग करावयाचा (करावा लागणार) असेल, तर मला मरणे हेच कर्तव्य आहे, दुसरे काही नाही.
येथे करिएव्वउँ, मरिएव्वउँ मध्ये इएव्वउं आदेश आहे. धुं -- सू.४.३६०.
श्लोक २ :- जगात अतिरक्त अशा मंजिष्ठा वनस्पतीला (कोणत्यातरी) प्रदेशातून (जमिनीतून) उच्चाटन (उखडणे), अग्नीत कढणे आणि घणाकडून कुटून घेणे, हे सहन करावे लागते.
येथे सहेव्वउँ मध्ये एव्वउं आदेश आहे.
श्लोक ३ :- जरी तो वेद प्रमाण आहे तरी रजस्वला स्त्रीचे सह झोपण्यास मनाई आहे, पण जागे रहाण्यास कोण अटकाव करणार ?
येथे सोएवा, जग्गेवा यांमध्ये एवा आदेश आहे.
४३९ क्त्वाप्रत्ययस्य -- सू.१.२७ वरील टीप पहा.
श्लोक १ :- हे हृदया! जरी मेघ (आपले) शत्रु आहेत, तरी आपण आकाशात चढावे काय ? आपले दोन हात आहेत; जर मरायचेच असेल, तर (त्यांना) मारूनच (आपण) मरू.
येथे मारि मध्ये ‘क्त्वा'ला इ आदेश आहे. अम्हहं -- सू.४.३८०. हत्थडा -- सू.४.४२९ नुसार स्वार्थे प्रत्यय आला आहे. गय....जन्ति -- येथे भजिउ मध्ये ‘क्त्वा'ला इउ आदेश आहे.
श्लोक २ :- (या श्लोकात, मुंज या शब्दाने मुंज नावाचा माळव्याचा राजा, अथवा मुंज नावाचा चालुक्य राजांचा एक मंत्री अभिप्रेत आहे, असे काहींचे म्हणणे आहे). ज्यात मुंजाचे प्रतिबिंब पडले आहे असे पाणी,
