________________
५०६
[निग्गंथी उवस्सयपवेसपगयं
उप्पन्ने अहिगरणे, विओसवेउं तहिं पसत्थं तु ।
अच्छेति खउरियाओ, संजमसारं ठवेउं जे ॥३७३०॥ "उप्पन्ने अहिकरणे०" गाधा । भणे (गणधर)त्ति ।
जति कालगता गणिणी, नत्थि उ अन्ना उ गणहरसमत्था । एतेण कारणेणं, गणचिंताए वि गच्छेज्जा ॥३७३१॥ "जइ कालगया०" गाधा। अणप्पज्झ त्ति । ।
अज्जं जक्खाइटुं, [व] खित्तचित्तं व दित्तचित्तं वा । उम्मायं पत्तं वा, काउं गच्छेज्ज अप्पज्झं ॥३७३२॥ "अज्जं जक्खाइ8०" गाधा । अगणि त्ति ।
जति अगणिणा उ वसही, दड्डा डज्झइ व डज्झिहिति व त्ति । नाऊण व सोऊण व, उवघेत्तुं जे व जाएज्जा ॥३७३३॥ "जइ अगणिणा०" गाधा । आउ त्ति । नदिपूरएण वसधी, वुज्झइ वूढा व वुज्झिहिति व त्ति । उदगभरियं व सोच्चा, उवघेत्तुं तं तु वच्चेज्जा ॥३७३४॥ "नदिपूरएण०" गाधा । वियारे त्ति । घोडेहि व धुत्तेहि व, अहवा वि जतीवियारभूमीए । जयणाए व करेउं, संठवणाए व वच्चेज्जा ॥३७३५॥ पुत्तो वा भाया वा, भगिणी वा होज्ज ताण कालगया । अज्जाएँ दुक्खियाए, अणुसट्टीए वि गच्छेज्जा ॥३७३६॥ तेलोक्कदेवमहिया, तित्थयरा नीरया गया सिद्धि । थेरा वि गया केई, चरणगुणपभावया धीरा ॥३७३७॥ बंभी य सुंदरी या, अन्ना वि य जाउ लोगजेट्ठाओ । ताओ वि य कालगया, किं पुण सेसाउ अज्जाउ ? ॥३७३८॥ न हु होइ सोइयव्वो, जो कालगओ दढो चरित्तम्मि । सो होइ सोतियव्वो, जो संजमदुब्बलो विहरे ॥३७३९॥
