________________ 852 विसेसचुण्णि [महानईपगयं आगाढं गेलण्णं, अहिडक्कविसादिउ जहाइया णेयव्वाणि / 'कज्जुवधि' त्ति अस्य व्याख्या पुरओ दुरुहणमेगौ, पडिलेहा पुव्व पच्छ समगं वा। सीसे मग्गो मज्झे, बितियं उवकरण जयणाए // 5664 // "पुरओ०" गाहा / पुरओ अप्पाणं ण दाएंति / किं कारणं ? भद्दयपंतदोसा / एगते अवक्कमियव्वं / एगा जोगं भंडगं करेत्ता सुसीसोवरियं काउं पडिलेहेत्ता चोलपट्टयं घणं बंधइ, सागारं भत्तं पच्चक्खंति / एगं महल्लं पडिग्गहगं उम्मत्थिअंबंधिऊण हत्थेण गेण्हंति / 'पुट्वि पच्छा समगं व' त्ति / गिहत्थाणं किं पुव्वं दुरूहियव्वं पच्छा अध समगं? जइ भद्दया तो पुव्वं दुरूहियव्वं, अह पंता तो तेसिं सभावं नाउं मा रुसेज्ज तओ पच्छा समगं वा, विभासा / 'सीसे' त्ति / णावाए सीसे उस्सग्गेण मज्झे दुरूहियव्वं / जइ मज्झे ठागो नत्थि तो अणुण्णाओ संतो पुरवो वा मज्झओ वा दुरूहेज्जा / 'मगरच्छुब्भणं' ति जइ पंताओ भए छुब्भेज्ज, णावा विणसेज्ज वा, ताहे पुव्वकए एगायते भंडए विलग्गिउं मगरादीणं भए ते हत्थपादफोडणाहिं त्रासिंतो तरइ / अह णत्थि मगरादीणं भयं तो जयणाए तरति / अहवा एगाजोगयकयस्स उवगरणस्स उवरिं विलग्गस्स मगराओ भयं ण होहिति / णय विहडप्फडो वुब्भिहिति / सो वा उवकरणं वा णावोदगं ति, जइ वि णावादीहि बला णावोदयं उस्सिचावेज्ज, तं जयणाए उस्सिचेज्ज / सणियं छुब्भति विभासा / बिइयं ति उत्तरंतो पच्छा उत्तरइ / पुव्वं वा 'उवकरण जयणाए' त्ति एगंतं गंता जं अंतं चीरं तं पाउणइ, णवकाणि चीवराणि ण पडिदंसेइ / अप्पसागारियाणि करेइ / मा तरवन्नट्ठाए' मग्गिहिति / जइ तरवन्नं मग्गंति धम्मकहाणुसट्ठीए कीरइ / अह णेच्छेज्जा ताहे जं तं अंतं चीरं तं दिज्जइ / एवं उवकरणजयणाए। // महानईपगयं समत्तं // 1. तरपण्यं इत्यर्थः मलवृ /
