________________ 848 विसेसचुण्णि [महानईपगयं ["एगंतिय०"] गाहा / संकमो दुविहो-तज्जाओ अतज्जाओ य / तज्जाओ णाम जो तत्थेव पहाणेहिं पुढवी पहाणसंडेऽवगासो / अतज्जाओ जो दारुगेहिं कओ / सो एगंतिओ अणेगंतिओ वा / एगंतियो जो एगेणं फलएणं / अणेगंतिओ जो अणेगेहिं फलएहिं / एक्केक्को दुविहो-चलो थिरो य / पुणो दुविहो-अपरिसाडी सपरिसाडी य / एक्केक्को दुविहो-वेइयाबद्धो अवेइयाबद्धो य / सोवइयो एगओ दुविहो वा / पुणो सभओ णिब्भओ य / तत्थ पुव्वं थलेण गंतव्वं / तस्स असइ सरुए वा संकमेणं तज्जाएणं थिरेण अपरिसाडिणा गंतव्वं / तस्सासइ सरुए वा अतज्जातेणं एगतिएण थिरेणं दुहओ वेइयाबद्धेणं अपरिसाडिणा गम्मइ / एवं अप्पाबहुगं णाऊण वच्चेज्ज / थलेणं ति णदि कोप्पर वरणेण व, थलमुदयं णोथलं तु तं चउहा / उवलजल वालुगजलं, सुद्धमही पंकमुदगं च // 5643 // "णदि कोप्पर०" गाहा / थले णाम परिरएणं गम्मइ, जहा कोप्परो णदीणं / णो थलपाणियं / तं चउव्विहं-पाहाणजलेणं, वालुगजलेणं, सुद्धमहीए, अचित्ताए उदगेणं गम्मइ / पंकजलेणं जं उदएणं कद्दमे खुप्पंतेहिं गम्मइ / जं तं पाहाणजलं तं दुविहं-अक्कंतं अणक्कंतं च / एक्केक्कं दुविहं-सपच्चवायं णिपच्चवायं च / एवं वालुगाजलं पि, सुद्धोदयं पि / एयं पुण चउव्विहं पि जहासंभवं पुढविक्कायं संजत्ता वणस्सइकायपरिणत्तणंतथिराऽथिरअक्कंततसपच्चवायणिपच्चवायबेइंदियादीहिं वि थिराथिरमक्कंतमणक्कंत संजत्ता होज्ज, जेहिं अपत्ता दोसा संजमआयविराहणाउ प्रति तहा गच्छंति / पंकजलस्स इमे दोसा - लत्तगपहेय खुलए, तहऽद्धजंघाएँ जाणुउवरिं च / लेवे य लेवउवरिं, अक्कंतादी उ संजोगा // 5644 // "लत्तगपहेय०" गाहा / लत्तगो णाम णहघातेसु जाव चिक्खल्लो खुप्पइ / सेसं कण्ठ्यम् / एत्थ वि तहेव अक्कंतादी संजोगेहिं गंतव्वं / जो वि य होतऽक्कंतो, हरियादितसेहिं चेव परिहीणो। तेण वि तु न गंतव्वं, जत्थ अवाया इमे होति // 5645 // "जो वि य होतऽक्कंतो०" गाहा / गिरिनदि पुण्णा वालाऽहि कंटगा दूरपारमावत्ता / चिक्खल्ल कल्लुगाणि य, गारा सेवाल उवला य // 5646 //
