________________ 834 विसेसचुण्णि [ अहिगरणपगयं "तम्हा खलु०" गाहा / जे वसभा एत्थ विज्जति गमगा ते 'पुव्वं' ति जेण साहुणा अधिकरणं कतं, सो अच्छति ताव जाव वसभा पुव्वं तं गमयंति / किं कारणं ? मा दटुं आहणेज्ज / अह नज्जति माहणिस्सति, तो तं घेत्तुं जंति / ते पुण वसभा केरिसा सहायगा साहुणो णेति ? अत उच्यते तस्संबंधि सुही वा, पगता ओयस्सिणो गहियवक्का / तस्सेव सुहीसहिया, गमेंति वसभा तगं पुव्वं // 5574 // "तस्संबंधि०" गाधार्द्धम् / 'तस्सेव०' पच्छद्धं / जे तस्स गिहत्थस्स सुहिणो गिहत्था ते वि निज्जति गमगा, गंतुं च इमं भन्नति सो णिच्छुब्भति साहू, आयरिए तं च जुज्जसि गमेतुं / नाऊण वत्थुभावं, तस्स जती णिति गिहिसहिया // 5575 // “सो णिच्छुब्भति०" गाहा / ‘णाऊण वत्थुभावं' ति तं अहिकरणं गिहत्थं जाणंति तस्सभावं मा णीआ हणेज्ज तं साहुं अणुलोमए पेच्छामो त्ति, जइ सो गिहत्थो भणइ पेच्छामो ताव कलहमेत्तं ताहे एवं (जं) भणिउं णाऊण वत्थुभावं तस्स जइणि ति गिहिसहिया अह सो साहू णेच्छेज्ज तो बला वसभेहिं णेयव्वो / जइ सो गिहत्थो णेच्छइ उवसमिउं ताहे सो साहू जेण समं अहिकरणं तत्थ न धरिज्जइ तम्मि उवस्सतो, कहिं ठविज्जइ ? अत उच्यते वीसं उवस्सए वा, ठवेंति पेसंति फड़पतिणो वा / देंति सहाते सव्वे, व णेति गिहिते अणुवसंते // 5576 // "वीसुं उवस्सए०" गाहा / कण्ठ्या / अध साधू णेच्छति उवसमितुं तो इमं पच्छित्तं अविओसियम्मि लहुगा, भिक्ख वियारे य वसहि गामे य / गणसंकमणे भण्णति, इहं पि तत्थेव वच्चाहि // 5577 // "अविओसियम्मि०" गाहापुव्वद्धं कण्ठ्यम् / पच्छद्धस्सेयं व्याख्या-जइ अणुवसंतो अण्णं गणं जाइ तत्थ गतो पुच्छिओ अहिकरणं धरिज्जइ तम्मि उवस्सतो कहिं ठविज्जइ ? अत उच्यते-काउं आगओ हं / एवं सिढे त्ति अणागयं व्याख्यातम् / तओ से इमं वत्तव्वं - इह वि गिही अविसहणा, ण य वोच्छिण्णा इहं तुह कसाया। अन्नेसिं पाऽऽयासं, जणइस्ससि वच्च तत्थेव // 5578 // सिम्मि न संगिण्हति, संकंतम्मि उ अपेसणे लहुगा। गुरुगा अजयणकहणे, एगतरपतोसतो जं च // 5579 //
