________________ भासगाहा-५५६६-५५७३] चउत्थो उद्देसो तत्तो चेव उवसामेयव्वं / णेच्छंते भाणितव्वं - ण वट्टइ ममं तुमे समं साधिकरणेण समं भिक्खं हिंडिउं / एवं सण्णाभूमि गंतुं गामाणुगामं दूइज्जित्तए / किं कारणं ? उच्यते-दोसो मा होज्जा बहूसो गिहत्थो पदुट्ठो उद्दवेज्जा, अगणिकाएण वा वसहिं झामेज्जा / एवमादयो बहुविहा वक्ष्यमाणा: तम्हा उवसामेयव्वं / एत्तो चेव जइ तम्हा इति हेतुः कारणं अणिच्छे इदं कारणं / कार्यं आलोयणा सोही / अस्य व्याख्या अहिकरण गिहत्थेहि, ओसार विकड्ढणा य आगमणं / आलोयण पत्थवणं, अपेसणे होंति चउलहुगा // 5569 // "अहिकरण." गाहा / गृहस्थेन साकमधिकरणे कृते जइ नेच्छइ उवसमिउं अह कड्डणं निवारणं चेत्यर्थः / आगंतुं उवस्सयं आयरियस्स आलोएयव्वं / ताहे आयरिएणं वसभा पेसेयव्वा तस्स गिहत्थस्स मूलं / उवसामणा / जति न पेसेइ :: 4 (चतुर्लघु) / के दोसा ? आणादिणो य दोसा, बंधण णिच्छुभण कडगमद्दो य / वुग्गाहण सत्थेण व, अगणुवगरणं विसं वारे // 5570 // "आणादिणो य०" गाहा / सो गिहत्थो जेण समं अहिकरणं सो बंधणं वा करेज्जा तस्स साहुस्स / जेण समं अहिकरणं, अण्णस्स वा अणेगाण वा साहूणं कडगमद्दो' सव्वे साधुणो मारेज्जा / 'वुग्गाहण' त्ति सो लोगं उग्गाहेज्जा-नत्थि एतेसिं दिन्ने पारलोइयं फलं, एते सन्नं वोसिरित्ता विक्खिरंति न य निल्लेवेंति, असुइणो एए / 'सत्थेणं'ति आउधं शस्त्रं, तेण अभिहणेज्जा / 'अगणि'त्ति पडिस्सयं अगणिकाएणं झामेज्जा, उवगरणं वा आसियाडेज्जा विसं' ति विसं वा देज्जा / 'वारणं'ति अस्य व्याख्या रज्जे देसे गामे, निवेसण गिहें णिवारणं कुणति / जा तेण विणा हाणी, कुल गण संघे य पत्थारो // 5571 // "रज्जे०" गाहा / रज्जे निवारणं करेज्ज - मा एएसिं भत्तं वसधिं उवधिं वा कोइ देज्जा, कुलस्स वा एवं करेज्जा गणस्स वा संघस्स वा। एयस्स णत्थि दोसो, अपरिक्खियदिक्खगस्स अह दोसो / पभु कुज्जा पत्थारं, अपभू वा कारवे पभुणा // 5572 // "एयस्स णत्थि०" गाहा / जम्हा इमे दोसातम्हा खलु पट्ठवणं, पुव्वं वसभा समं च वसभेहिं। अणुलोमण पेच्छामो, णेंति अणिच्छं पि तं वसभा // 5573 //
