________________
८२२ विसेसचुण्णि
[विसुंभणपगयं कुसपडिमाइ नियत्तण, मत्तग सीसे तणाइँ उवगरणे। काउस्सग्ग पदाहिण, अब्भुट्ठाणे य वाहरणे ॥५५०१॥ काउस्सग्गे सज्झाइए य खमणस्स मग्गणा होइ। वोसिरणे ओलोयण, सुभाऽसुभगइ निमित्तट्ठा ॥५५०२॥
"पडिलेहणा०" ["कुसपडिमाइ०" "काउस्सग्गे०"] दारगाधात्रयम् । तत्थ पडिलेहण त्ति दारं । सा पडिलेहणा वहणकट्ठस्स थंडिलस्स य । तत्थ वहणकट्ठस्स इमं
जं दव्वं घणमसिणं, वावारजढं च चिट्ठए बलियं । वेणुमय दारुगं वा, तं वहणट्ठा पलोयंति ॥५५०३॥
"जं दव्वं०" गाहा । कण्ठ्या । इदाणि थंडिलस्स । महाथंडिल्लं पडिलेहियव्वं । अपडिलेहिए इमे दोसा
अत्थंडिलम्मि काया, पवयणघातो य होति आसण्णे ।
छड्डावण गहणादी, परुग्गहे तेण पेहिज्जा ॥५५०४॥ "अत्थंडिलम्मि०" गाहा । पडिलेहणं ति गयं । इदाणिं दिस त्ति दारंदिस अवरदक्खिणा दक्खिणा य अवरा य दक्खिणापुव्वा । अवरुत्तरा य पुव्वा, उत्तर पुव्वुत्तरा चेव ॥५५०६॥ समाही य भत्तपाणे, उवकरणे तुमंतुमा य कलहो य । भेदो गेलन्नं वा, चरिमा पुण कड्डए अण्णं ॥५५०७॥
"दिस अवर०" ["समाही य०"] गाहा । अवरदक्षिणाए दिसाए महाथंडिलं पडिलेहेयव्वं । तीए इमे गुणा भवंति । भत्त-पाण-उवगरण समाही भवति । एयाए दिसाए तिन्नि थंडिला पडिलेहेयव्वा ।
आसण्ण मज्झ दूरे, वाघातट्ठा तु थंडिले तिन्नि ।
खेत्तुदयहरियपाणा, णिविट्ठमादी व वाघाए ॥५५०७॥
"आसण्ण०" गाहा । किं कारणं तिन्नि पडिलेहिज्जति ? वाघाओ होज्जा, खेत्तं कृष्टं, उदएण वा भावियं, हरियक्काओ वा जाओ, पाणजाइएहिं वा संसत्तं, गामो वा निव्विट्ठो । आदिग्रहणेणं सत्थो आवासिओ । पढमदिसाए विज्जमाणीए जइ दक्खिणदिसाए पडिलेहंति ४
