________________
भासगाहा-५४४१-५४५२] चउत्थो उद्देसो
८०९ सेज्जायरकप्पट्टी, चरित्तठवणाएँ अभिगया खरिया। सारूविओ गिहत्थो, सो वि उवाएण हायव्वो ॥५४४९॥
"एयविहिमा०' [“एगे०" "एयारिसं०" "बिइयपदम०" "सेज्जायर०"] गाहा । सेज्जातरकप्पट्ठीए होज्ज, संसत्तो होज्ज अभिगय जीवाए क्खरियाए । सो पुण लिंगी वा । सो पुण दुवीयत्ततणये वा ठिओ। अहवा गीहत्थीभूओ चेव । एत्थ जो होउ सो होउ तो उवाएणं चरित्ते वायव्वो । एवं चरित्तठवणाए उवाएणं पण्णवेयव्वो-तुमं विणा अणाहा मो जाता, तो किं तुब्भेच्चयं गच्छं भंजित्ता अन्नगच्छेसु पविसामो ? एवमादीहिं पायपडिया विन्नवेति । अणिच्छे सेज्जायरकप्पट्ठीए धम्मो कहिज्जइ - एएण विणा गच्छो सीयइ, णाणादीणं परिहाणी, तो मा णारगादी संसारं वड्डेहि तुमं । एवं करेंती। एवं खरियाए वि । असइ केवइया वि से दिज्जंति। असइ पाडिपुंछयं देहि त्ति पासुत्तो हरियव्वो ।
एमेव गणावच्छे, गणिआयरिए वि होति एमेव ।
नवरं पुण नाणत्तं, ते नियमा हुति वत्ता उ॥५४५०॥ “एमेव०" गाहा । गणावच्छेइ-आयरियाणं अन्नगणं णाणट्ठाए वयंताणं एवं चेव । एसेव गमो नियमा, निग्गंथीणं पि होति नायव्वो। नाणट्ठ जो उ नेई, सच्चित्त ण अप्पिणे जाव ॥५४५१॥ "एएसु तु'०" गाहा । कण्ठ्या । विसद्देण निग्गंथीए वि घेप्पइ । पंचण्हं एगयरे, उग्गहवज्जं तु लभति सच्चित्तं ।
आपुच्छ अट्ठ पक्खे, इत्थीसत्थेण संविग्गो ॥५४५२॥
"पंचण्हं०" गाहा । निग्गंथं पंचण्हं एगयरो णेज्ज । आयरियो उवज्झायो पवत्ती थेरो गणावच्छेइओ । एएण माणो उग्गहवज्जं सचित्तं लभइ सो अट्ठपक्खे आपुच्छइ ताए चेव विहीए इत्थीसंबंधसत्थे णेयव्वा असइ असंबंधि वि सत्थेण विभासा । त्रीणि सूत्राणि गयाणि ।
[सुत्तं] गणावच्छेतिए य गणादवकम्म इच्छेज्जा अण्णं गणं उवसंपज्जित्ताणं विहरित्तए, कप्पति गणावच्छेतियस्स गणावच्छेतियत्तं णिक्खिवित्ता अण्णं गणं उवसंपज्जित्ताणं विहरित्तए । णो से कप्पति अणापुच्छित्ता आयरियं वा जाव अन्नं गणं उपसंपज्जित्ताणं विहरित्तए,
१. एसेव गमो मुच ।
