________________
८०८
विसेसचुण्णि
[गणंतरोवसंपयपगयं जहियं एसणदोसा, पुरकम्माई ण तत्थ गंतव्वं । उदगपउरो व देसो, जहिं व चरिगाइसंकिण्णो ॥५४४१॥ असिवादीहिँ गता पुण, तक्कज्जसमाणिया तओ णिति । आयरियमणिते पुण, आपुच्छिउ अप्पणा णिति ॥५४४२॥
"जहियं एसणदोसा०"["असिवादीहिँ"] गाहाद्वयं कण्ठ्यम् । जइ पुण आयरियो ण निग्गच्छइ तो इयरेहिं णिग्गंतव्वं । एत्थ आपुच्छणकालो इमो -
दो मासे एसणाए, इत्थि वज्जेज्ज अट्ठ दिवसाइं। गच्छम्मि होइ पक्खो, आतसमुत्थेगदिवसं तु ॥५४४३॥ "दो मासे०" गाहा । कण्ठ्या । इत्थिदोसे अट्ठ दिवसाणि । सेज्जायरिमाइ सएज्झए व आउत्थ दोस उभये वा।
आपुच्छति सन्निहियं, सण्णातिगतं व तत्तो उ॥५४४४॥
"सेज्जायरिमाइ०" गाहा । सेज्जातरमाइसु चित्तेणं अज्झोववण्णो, ताओ वा तम्मि परोप्परं वा अज्झोववण्णातो ताहे जति आयरियो सन्निहिओ तो अणापुच्छाए चेव गच्छइ । सण्णाइगयं नाम जइ सन्नाभूमि गयओ तओ च्चेव गंतुं पुच्छित्ता जाइ । जइ तद्दिसिं गंतुकामो अह अन्नदिसं गयं तो ण गंतव्वं । तो अणापुच्छा जाइ, भणइ य-मम वयणेण आपुच्छेज्जाह सो चिंतेइ-जइ पडिक्खामि ता विज्जामि इमं आयरियस्स चरित्ते सीदमाणस्स ।
एयविहिमागयं तू, पडिच्छ अपडिच्छणे भवे लहुगा । अहवा इमेहिं आगय, एगागिदि पडिच्छणे गुरुगा ॥५४४५॥ एगे अपरिणए या, अप्पाहारे य थेरए। गिलाणे बहुरोगी य, मंदधम्मे य पाहुडे ॥५४४६॥ एयारिसं विओसज्ज, विप्पवासो न कप्पई । सीसपडिच्छाऽऽयरिए, पायच्छित्तं विहिज्जइ ॥५४४७॥ बिइयपदमसंविग्गे, संविग्गे चेव कारणागाढे। नाऊण तस्स भावं, अप्पणों भावं अणापुच्छा ॥५४४८॥
