________________
७८६ विसेसचुण्णि
[अणेसणिज्जपगयं वातादीणं खोभे, जहण्णकालुत्थिए विसाऽऽसंका।
अवि जुज्जति अन्नविसे, णेव य संकाविसे किरिया ॥५३२६॥ "अभिओग०" ["किच्छाहि०" "वातादीणं०"] गाहा । कण्ठ्या ।
केइ पुण साहियव्वं, अस्समणो हं ति पडिगमो होज्ज । दायव्वं जतणाए, णाए अणुलोमणाऽऽउट्टी ॥५३२७॥
"केइ पुण०" गाहा । कण्ठ्या । केइ आयरिया भणंति । फुडं साहियव्वं तव कप्पइ चेव एयं । एवं वुत्ते कयाइ सो भणेज्जा-तो नाम अहं असमणो जं समणाणं ण कप्पइ तं मम कप्पइ त्ति काउं तेण निरत्थयं मम सिरतुंडमुंडणं । ताहे इमेहिं पन्नवेयव्वो ।
अभिनवधम्मो सि अभावितो सि बालो व तं सि अणुकंपो। तव चेवट्ठा गहितं, भुंजिज्जा तो परं छंदा ॥५३२८॥ कप्पो च्चिय सेहाणं, पुच्छसु अण्णे वि एस हु जिणाणा । सामाइयकप्पठिती, एसा सुत्तं चिमं बेंति ॥५३२९॥ परतित्थियपूयातो, पासिय विविहातौं संखडीतो य । विप्परिणमेज्ज सेधो, कक्खडचरियापरिस्संतो ॥५३३०॥ नाऊण तस्स भावं, कप्पति जतणाएँ ताहे दाउं जे ।
संथरमाणे देतो, लग्गइ सट्ठाणपच्छित्ते ॥५३३१॥
"अभिनवधम्मो०" ["कप्पो च्चिय०" "परतित्थियपूयातो." "नाऊण तस्स०"] गाहाद्वयं कण्ठ्यम् ।
सेहस्स व संबंधी, तारिसमिच्छंते वारणा णत्थि । कक्खडे व महिड्डीए, बितियं अद्धाणमादीसु ॥५३३२॥
"सेहस्स व०" गाहा । सेहस्स सन्नातया ते विरूवरूवं भत्तं घेत्तुं आगंतुं सेहं निमंतेज्जा। ताहे सेहो आयरियं पुच्छेज्ज, गेण्हामि मा सो न वट्टइ वारेउं मा गिण्हाहि। जति ता वारेइ :: । (चतुर्गुरु), विप्परिणमेज्ज । अत्र व्याख्या
नीयगाव केई तु विरूवरूवं, आणेज्ज भत्तं अणुवट्ठियस्सा। स चावि पुच्छेज्ज जता तु थेरे, तदा ण वारेंति णं मा गुरूगा ॥५३३३॥
