________________
७८२
विसेसचुण्णि
[कालक्खेत्ततिकंतपगयं खीरदधीमादीण य, लंभो सिग्घतर पढम पइरिक्के । उग्गमदोसा विजढा, भवंति अणुकंपिया चितरे ॥५३००॥
["गामऽब्भासे०" "सिग्यतरं ते." "खीर-दधीमादीण."] एत्थ गाहाओ कण्ठ्याओ । जाव विरियायारो य अणुचिन्नो।
एवं उग्गमदोसा, विजढा पइरिक्किया अणोमाणं । मोहतिगिच्छा य कता, विरियायारो य अणुचिण्णो ॥५३०१॥ उज्जाणतो परेणं, उवातिणंतम्मि पुव्व जे भणिता । भारादीया दोसा, ते च्चेव इहं तु सविसेसा ॥५३०२॥ तम्हा तु ण गंतव्वं, तहिं भोत्तव्वं ण वा वि भोत्तव्वं । इहरा भे ते दोसा, इति उदिते चोदगं भणति ॥५३०३॥
" एवं उग्गमदोसा०" ["उज्जाणतो०" "तम्हा तु ण गंतव्वं०"] गाहा । चोयगो भणइ-तहिं चेव समुद्दिसिउं एंतु एवं भारादओ दोसा परिहरिया भवंति ? आयरियो भणइ-जइ तत्थ समुद्दिसंति मासलहुं, तुह वि एवं भणंतस्स मासलहुं । आयरियादी परिच्चत्ता ।
जइ एयविप्पहूणा, तवनियमगुणा भवे णिरवसेसा ।
आहारमाइयाणं, को नाम कहं पि कुव्वेज्जा ॥५३०४॥
"जइ एयविप्पहूणा०" गाहा । जइ आयरिएण विणा संसारातो णित्थरणं होज्जा । किञ्च,
जइ ताव लोइय गुरुस्स लहुओं सागारिओ पुढविमादी । आणयणे परिहरिया, पढमा आपुच्छ जतणाए ॥५३०५॥ चोदगवयणं अप्पाऽणुकंपिओ ते य भे परिच्चत्ता । आयरिए अणुकंपा, परलोए इह पसंसणया ॥५३०६॥ एवं पि परिच्चत्ता, काले खमए य असहुपुरिसे य । कालो गिम्हो उ भवे, खमओ वा पढमबितिएहिं ॥५३०७॥ जइ एवं संसटुं, अप्पत्ते दोसियाइणं गहणं । लंबण भिक्खा दुविधा, जहण्णमुक्कोस तिय पणए ॥५३०८॥
