________________
भासगाहा - ४९०८-४९१७]
चो उस
कट्ठे पुत्थे चित्ते, दंतोवस मट्टियं व तत्थगंतं । एमेव य आगंतुं, पासित्तय बेट्टिया जवणे ॥ ४९१५॥ पडिवेसिगएक्कघरे, सचित्तरूवं तु होति तत्थ गयं । सुण्णमसुण्णघरे वा, एमेव य होति आगंतुं ॥ ४९१६॥ “दुविहो ० " [“एक्केक्को सो० "कट्ठे० " "पडिवेसिग० " ] गाहा । तत्थ जो सो रूवदोसो, सो इत्थीओ नपुंसकाओ य । एक्केक्को दुविहो - सचित्तो अचित्तो य । अचित्तो य दुविधो–तत्थगओ आगंतुओ य । कट्ठकम्म पोत्थकम्म चित्तकम्मे जा इत्थी कातेल्लिया दंतपाहाणमईया वा मट्टियामयी वा पडिमा । जम्मि उवस्सए वसति तत्थगतमचित्तं भणितं ।
7766
इदाणिं आगंतुगं तु अचित्तं भन्नइ । आगंतु नाम अन्नओ आगयं ।
"एमेव० " गाहापच्छद्धं । जहा तत्थगयपडिमाओ तहा आगंतुगपडिमाओ वि । जहा पालित्तगवायएण रन्नो भगिणि सरिसिया जंतपडिमा कया । चंकमणुम्मेस- णिमेसवती तालिवेंटहत्था आयरियस्स पुरओ चिट्ठइ । राया अ अतीव पालित्तए वायगाण सिणेहं करेइ । दिज्जाइएहिं पदुट्ठेहिं रन्नो कहियं - ' भगिणी ते समणिएण अभिओतिया' राया न पत्तियइ भणिओ–‘पेच्छ, दंसेमु ते' । राया आगओ । पासित्ता आयरियस्स रुट्ठो पच्चोसरिओ य । आयरिएणं चड त्ति विगरणी कया । राया सुट्टुतरं आउट्टो । वंदिया रायकण्णा । 'जवणे' त्ति जवणविस एरिसाणि कम्माणि कीरंति ।
७१३
भणियं अच्चित्तं । अहुणा सचित्तं भण्णइ ।
तं दुविहं, अहवा सुन्नघरं अतियता असुन्नं वा घरं, तत्थ इत्थी दीसेज्जा । एवं आगंतुगं पि णायव्वं । एते वसहीए रूवदोसा वत्तव्वा ।
आलिंगणादी पडिसेवणं वा, दट्टु सचित्ताणमचेदणे वा ।
सद्देहि रूवेहि य इंधितो तू, मोहग्गि संदिप्पति हीणसत्ते ॥४९१७॥
"आलिंगणादी० " वृत्तम् । तेसु तत्थगया आगंतुएसु सचित्तअचित्तेसु के इ आलिंगणचुंबणादीणि करेमाणे पडिसेवमाणे वा दट्टु, इत्थीसद्दं वा पडिसेविज्जंते सोउं, कस्सइ कामग्गी संदिपेज्ज{हं} हीणसत्तयाए अभुत्तभोगीणं, तओ कोउग-सइकरणदोसेणं कोउगं समुप्पज्जइ-आसण्णे गंतुं पासामि सुणेमि वा ।
कोऊहलं च गमणं, सिंगारे कुड्डुछिद्दकरणे य ।
दिट्ठे परिणय करणे, भिक्खुणों मूलं दुवे इतरे ॥४९१८॥
