________________
७१२ विसेसचुण्णि
[अणुग्घाइयपगयं झुसिराझुसिरेसु ।
इदाणिं बीइयपदं
असती अधाकडाणं, दसिगादिगछेदणं व जयणाए। गुलमादि लाउणाले, कप्परभेदादि एमेव ॥४९०८॥ अक्खाण चंदणे वा, वि घंसणं पीसणं तु अगतादी । वग्घादीणऽभिघातो, अगतादि पताव सुणगादी ॥४९०९॥ बितिय दवुज्झण जतणा, दाहे वा भूमिदेहसिंचणता । पडिणीगाऽसिवसमणी, पडिमा खारो तु सेल्लाती ॥४९१०॥ कम्मं असंकिलिटुं, एवमिदं वणितं समासेणं । कम्मं तु संकिलिटुं, वोच्छामि अहाणुपुव्वीए ॥४९११॥
"असइ०" ["अक्खाण." "बितिय" "कम्मं असंकिलिटुं०"] गाहा । दसियाओ छिदेज्ज । भाउयस्स वावारं करेज्ज विपुलं, गुलपिंडं वा भिंदेज्ज, कप्परेण वा कज्जंतेण गीवं छिदेज्ज, अक्खाणं घंसणं पीसणं अगदोसधाणं, वग्घं एज्जमाणं अभिघातेज्ज, अगडं वा सुक्कवेति, वावाडो य रक्खंतो एत्थ सुणगादिणि अभिपडंति लेलुगमादीहिं भेसेज्जा, सिनेहमुव्वरियं जयणाए छारे परिढुवेइ, दवं वा परिट्ठवेइ, लूता उण्हाभितावे वा उवस्सयं आवरिसीकरेज्जा, दाहवक्कंतीए वा साहुं सिंचेज्जा, कायं पि उप्पावेज्जा, जेण पडिणीओ साहिज्जइ, असिवपसमणं वा होज्ज, पडिमा यारिसीयं कुज्जा, खारं पसुतिनिमित्तं मल्लं परिक्खइ। असंकिलिटुं गयं ।
इदाणिं संकिलिटुंवसहीए दोसेण, दुटुं सरितुं व पुव्वभुत्ताई। एतेहिं संकिलिटुं, तमहं वोच्छं समासेण ॥४९१२॥ "वसहीए०" गाहा । तत्थ वसहीदोसं ताव भण्णइ । दुविहो वसहीदोसो, वित्थरदोसो य रूवदोसो य । दुविधो य रूवदोसो, इत्थिगत नपुंसतो चेव ॥४९१३॥ एक्केक्को सो दुविधो, सच्चित्तो खलु तधेव अच्चित्तो। अच्चित्तो वि य दुविधो, तत्थगताऽऽगंतुओ चेव ॥४९१४॥
