________________
भासगाहा-३३८८-३४०१] बीओ उद्देसो
४३९ अणुभूता धण्णरसा, नवरं मुत्तूण गंधसालीणं ।
काहामि कोउहल्लं, थेरीएँ परंधणं भणियं ॥३३९७॥
"कोट्ठाउत्ता य०" ["छगणादी०" "ओलिंपिऊण." "उडुबद्ध०" "अणुभूता०"] गाहाओ कण्ठ्याओ । पल्लाओ कडपल्ला उच्चतरा । एयं कारणियं सुत्तं । एत्थ जइ वसइ वासावासे :: ४ (चतुर्लघु) कास अगीतस्स । ताओ चेव गाहाओ जाव 'अनुभूया धन्नरसा' ।
इहरा कहासु सुणिमो, इमे हु ते कलमसालिणो सुरभी । थोवे वि णत्थि तित्ती, को य रसो अण्णमण्णाणं ॥३३९८॥ निग्रोलियं च पल्लं, कज्जे सागारियस्स अतिगमणं । सागारिओ विसन्नो, भीतो पुण पासए कूरं ॥३३९९॥ सो भणइ कओ लद्धो, एसो अम्हं खु लद्धिसंपन्नो । ओभावणं व कुज्जा, धिरत्थु ते एरिसो लाभो ॥३४००॥ इहरह वि ताव अम्हं, भिक्खं व बलिं व गिण्हह न किंचि । इण्हि खु तारिओ मि, ठवेमि अन्ने वि जा धन्ने ॥३४०१॥
"इहरा कहासु सुणिमो०" ["निग्घोलियं०" "सो भणइ०" "इहरह वि"] गाहा। 'को य रसो' त्ति अन्नमन्नमिस्सिएणं । एवं सो लद्धासादो दिवसे दिवसे पल्लाओ अवहरिउं थेरी य उवट्ठवेइ। थेरी वि लद्धासाया तेसिं साहूण उवकप्पेइ । एवं तेण सो पल्लो निग्घोलिओ। सेसं गाहासिद्धं ।
१. सो य रसो अ इ ।
