________________
४३८
विसेसचुण्णि
[उवस्सयपगयं तासेऊण अवहिए, अचेइय हिए व गोसि साहति । जाणंता वि य तेणं, साहंति न वन्न-रूवेहिं ॥३३८८॥ सुण सावग ! जं वत्तं, तेणाणं संजयाण इह अज्ज । तेणेहिं पविटेहिं, जाहे नीएक्कसिं धण्णं ॥३३८९॥ ताहे उवगरणाणिं, भिन्नाणि हियाणि चेव अन्नाणि । हरिओवही वि जाहे, तेणा न लभंति ते पसरं ॥३३९०॥ गहियाऽऽउहप्पहरणा, जाधे वधाए समुट्ठिया अम्हं । नत्थि अकम्मं ति ततो, एतेसि ठिता मु तुण्हिक्का ॥३३९१॥ सेज्जायरो य भणती, अण्णं धण्णं पुणो वि होहिति णे। एसो अणुग्गहो मे, जं साधु ण दुक्खविओं को वि ॥३३९२॥
"तासेऊण०"["सुण सावग०" "ताहे." "गहिया०" "सेज्जायरो०"] गाहा । कण्ठ्या । त्रासिता शस्त्रेण । शेषं कण्ठ्यम् ।
[सुत्तं] अध पुण एवं जाणिज्जा नो रासिकडाइं नो पुंजकडाइं नो भित्तिकडाइं नो कुलियकडाइं कोट्ठाउत्ताणि वा पल्लाउत्ताणि वा मंचाउत्ताणि वा मालाउत्ताणि वा ओलित्ताणि वा लित्ताणि वा पिहियाणि वा लंछियाणि वा मुद्दियाणि वा, कप्पइ निग्गंथाण वा निग्गंथीण वा वासावासं वत्थए ॥२-३॥
"अह पुण एवं जाणिज्जा नो पुंजकुडाइं०" सुत्तं उच्चारेयव्वं । कोट्ठाउत्ता य जहिं, पल्ले माले तधेव मंचे य । ओलित्त पिहिय मुद्दिय, एरिसएँ ण कप्पती वासो ॥३३९३॥ छगणादी ओलित्ता, लित्ता मट्टियकता उ ते चेव । कोट्ठियमादी पिहिता, लित्ता वा पल्ल-कडपल्ला ॥३३९४॥ ओलिंपिऊण जहि अक्खरा कया लंछियं तयं बिंति । जहियं मुद्दा पडिया, होति तगं मुद्दियं धण्णं ॥३३९५॥ उडुबद्धम्मि अतीए, वासावासे उवट्टिते संते । ठायंतगाण लहुगा, कास अगीयत्थ सुत्तं तु ॥३३९६॥
