________________
७०२
विसेसचुण्णि
[ उग्गहपरिमाणपगयं "इंदक्खील०" गाहा । जत्थ इंदो उठेइ इंदमाउ वा अणिंदे वि । जत्थ राया परिवसति मुद्धाभिसित्तो रायरहिए वि जत्थ इमे पंच परिवसंति पच्छद्धगहिता ।
अद्धाणसीसए वा, समोसरणे वा वि ण्हाण अणयाणे । एतेसु णत्थि उग्गहो, वसहीए मग्गण अखेत्ते ॥४८५४॥
"अद्धाण." गाहा । अद्धाणसीसयं नाम जत्तो जत्थो अडविं पविसइ तं पि अखेत्तं समोसरणं वा, ण्हाणाणुजाणं वा कुल-गण-संघसमवाओ वा, एएसु नत्थि उग्गहो । किं कारणं?
बहुजण समागमो तेसु होति बहुगच्छसन्निवातो य। मा पुव्वं तु तदट्ठा, पेल्लेज्ज अकोविया खेत्तं ॥४८५५॥ सड्ढा दलंता उवहिं निसिद्धा, सिटे रहस्सम्मि करेज्ज मन्नु । पभावयंते य ण मच्छरेण, तित्थं सलद्धी दुहतो वि हाणी ॥४८५६॥
"बहुजण०" ["सड्ढा दलंता०"] गाहा वृत्तं च । “दुहओ वि हाणि''त्ति सचित्तस्स अचित्तस्स । देसविरइ सव्वविरइ वा न को वि पडिवज्जइ । अचित्तस्स आहारादि । एएसु अणुग्गहेसु वसहीए मग्गणा सचित्तअचित्ताणं, तीए वसहीए जे पुव्वअणुन्नविया तस्स उग्गहो समगं साहारणा ।
एगालयट्ठियाणं, तु मग्गणा दूरे मग्गणा नत्थि । आसण्णे तु ठियाणं, तत्थ इमा मग्गणा होइ ॥४८५७॥ सज्झाय काल काइय, निल्लेवण अच्छणे असति अंतो। वसहिगमो पेल्लंते, वसही पुण जा समापुण्णा ॥४८५८॥ "एगालय०" ["सज्झाय०"] गाहाद्वयम् । एवं अचलं भणियं । इदाणिं चलं भण्णइवइया सत्थो सेणा, संवट्टो चउविहं चलं खेत्तं । एतेसिं णाणत्तं, वोच्छामि अहाणुपुव्वीए ॥४८५९॥ "वइया०" गाहा । तत्थ वइय त्ति दारंजेणोग्गहिता वइगा, पमाण तूह दुह भंडि परिभोगे। समवइग पुव्व उग्गह, साहारण जं च णीसाए ॥४८६०॥
