________________
भासगाहा-४८०४-४८१६] तइओ उद्देसो
६९३ रोहेउ अदमासे, वासास सभमि तो णिवा जंति । परबलरुद्धे वि पुरे, हार्विति ण मासकप्पं तु ॥४८१२॥ भिक्खस्स व वसहीय व, असती सत्तेव चउरों जावेक्का । लंभालंभे एक्केक्कगस्स णेगा उ संजोगा ॥४८१३॥ एगत्थ वसंताणं, पिहहुवाराऽसतीय सयकरणं । मज्झेण कडग चिलिमिणि, तेसुभयो थेर खुड्डीतो ॥४८१४॥ दारदुयस्स तु असती, मज्झे दारस्स कडग पुत्ती वा । णिक्खम पवेसवेला, ससद्द पिंडेण सज्झातो ॥४८१५॥
"संवट्टनिग्गयाणं०" ["हाणी जावेकट्ठा०" "रोहेउ अट्ठ०" "भिक्खस्स व०" "एगत्थ वसंताणं०" "दारदुयस्स तु०"] गाहा । तत्थ नगररोहए अट्ठ वसहीओ पडिलेहेयव्वाओ। किं निमित्तं अट्ठ वसहीओ? अट्ठ उडुबद्धिए मासे रोहिओ भवति । तेण परं परिसारेत्ता सदेसं जंति, ताहे अट्ठसु वसहीसु सम्मासं अच्छंति, अलंभे एकक्कहाणी जाव संजयाणं एक्का संजइण वि एक्का । असइ एक्कहिं चेव वसहीए । तत्थ इमा जयणा - जइ तं चाउस्सालं तत्थंतरेण कडओ करेइ, असइ चिलिमिणी वसभा एवं करेंति । अह नत्थि चाउस्सालं ताहे एक्कघरे चेव पिह दुवारं कीरइ, अंतरेणं कडगो चिलिमिणी वा कीरइ । अह डहरगं दारं । ताहे वेला ठविज्जइ । जं वेलं संजया ऐति तं वेलं संजईओ न निति । रत्तिं मत्तएसु जयंति । 'सुवणं च जयणाए' त्ति अस्य व्याख्या
अंतम्मि व मज्झम्मि व, तरूणी तरुणा य सव्वबाहिरतो । मज्झे मज्झिम थेरी, खुड्डी खुड्डा य थेरा य ॥४८१६॥
"अंतम्मि व०" गाहा । अस्य व्याख्या-आवलिया ठाएंति, तत्थ अंते ताव भण्णइ - एगम्मि अंते तरुणीओ ठविज्जंति, तासि आरओ मज्झिमाओ, तासि आरओ थेरी, तासि आरओ खुड्डियाओ, खुड्डीण आरओ थेरा, तेसिं आरओ खुड्डगा, तेसिं आरओ मज्झिमा, तेसिं आरओ तरुणा, एवं ताव तरुणीओ तरुणा य अंते जाया ।
इदाणि जइ मज्झे तरुणीओ ठविज्जति तासिं आरओ२ मज्झिमाओ, तासि उभओ थेरीओ, तासि उभओ खुड्डगाओ, तासिं उभओ थेरा, तासिं उभओ खुड्डा, तासिं उभओ मज्झिमा, तासिं उभओ तरुणा एस रत्तिं वसंताण जयणा ।
१. वसहा एव करेंति ड । २. उभयओ मलवृ मुच ।
