________________
६९० विसेसचुण्णि
[सेणापगयं चेव निग्गंतव्वं । असिवाईसु एयाणि परूवित्ता अहियारो सेणाए । तं पुण किह जाणेज्जा ?
अइसेस देवत निमित्तमादि अवितह पवित्ति सोतूणं । निग्गमण होइ पुव्वं, अणागते रुद्ध वोच्छिण्णे ॥४७९८॥
"अइसेस०" गाहा । अइसेसिओ जो ओहिण्णाणी वा तं पुच्छति, देवया वा साहिति, निमित्तेण वा आभोएंति । अहवा अन्नो जो जाणेइ सो पुच्छिज्जइ । आदिग्रहणेणं विज्ज-मंतेहिं, अहवा अवितहिं पवत्तिं सोऊण निग्गंतव्वं । अहवा इमा परिवाडी - उप्पायनिमित्तेण व, आभोएत्ता अणागयं सम्मं । पच्छा निरुवस्सग्गे, कप्पइ गणिणो विरहिओज्जो ॥ नच्चा उ सोवसग्गं, खेत्तं चियहे अणागयं चेव । जइ ण य हयिसइ काले, लग्गइ चउगुरुए चउम्मासे ॥ जेइ जहह ति अणासण्णे,१ गण संजम रक्खणा य कित्ति य । आसन्नं चि य हितो,२ दोन्नि वि सीमे अइक्कमइ ॥ जइ न वसंति जणवया, परचक्कभएण होंति उप्पिच्छा । धूमायंति दिसाउ, निद्धाइ जणो भउव्विग्गो॥ कंदिय कूविय सद्दो, पलवियसद्दो व सुव्वइ समंता । एयारिसम्मि खेत्ते, किह धम्मधरावहा होन्ति ॥ संबद्धा [ य ] अतित्थी, भीया पव्वय कुडिल्लरुग्गेसु । दोच्चाइया अकाले, पावंति विराहणं दुविहं ॥ ठाण णिसेज्जा सेज्जा, वोसिरणुप्पवगईय पावंति । उर खेद निवातेसु य, दुपडिक्खाय मरणं च ॥ चाउद्दिसि जणवओ, विलुत्तसारो विराहणं पत्तो । निग्गंतुमवापंतो, अइयाइवरंडमंडुविओ ॥ रोहियं व नगरं जणसंवट्टो य अट्टरोहो य । अन्तो नगरे वट्टइ, देसे देसे य जनमारी ॥ एयारिसे विरोहे, वसहि अलंभे य अद्धरोहे य । दुव्वसहीए पत्ता, पावंति विराहणं दुविहं ॥ अंतो वियारभूमी, नत्थि पहिट्ठा वि नत्थि निग्गमणं । जइ[ वि] न गच्छइ बाहिं, मरणं वा दुप्पवेसो वा ॥ सन्नाए चोइओ जइ, धार परितावणा य वावत्ती । वोसरणे कायवहो, जणसंवट्टो अवन्नो य ॥ दोण्ह व संखडकाले, सत्थनिवाते हि आयवावत्ती । सत्थाओ ते गिलाणे, नत्थि असत्थो य दवियं च ॥ भिक्खस्स निग्गओ पुण, कंठेण आहओ तहिं कोइ । आगन्तूण य पडिओ, गेलन्नारोवणा तत्थ ॥ पंचयपरिहाणी य, दुल्लभ रिक्ख जोगहाणी य । आयविवत्ती अहवा, अप्पाउग्गस्स आइयणा ॥
१. अ इ जहति अणासण्णे इति भाव्यम् ? । २. जहिंतो इति भाव्यम् ? । ३. एकमक्षरं न्यूनं प्रतिभाति । ४. वारेंतो इ।
