________________
भासगाहा-४७९१-४७९७]
तइओ उद्देसो
[सेणापगयं] [सुत्तं] से गामस्स वा जाव रायहाणीए वा बहिया सेणं सन्निविट्ठ पेहाए कप्पति निग्गंथाण वा निग्गंथीण वा तद्दिवसं भिक्खायरियाए गंतुं पडिएत्तए । नो से कप्पति तं रयणि तत्थेव उवाइणावित्तए । जो खलु निग्गंथो वा निग्गंथी वा तं रयणिं तत्थेव उवाइणाइ, उवातिणंतं वा सातिज्जति, से दुहतो वि अइक्कममाणे आवज्जइ चाउम्मासियं परिहारट्ठाणं अणुग्घाइयं ॥३-३०॥
"से गामस्स वा जाव अणुग्घातियं०" । सम्बन्धःउवरोह भया कीरइ, सप्परिखो पुरवरस्स पागारो । तेण र सेणासुत्तं, अणुअत्तइ उग्गहो जं च ॥४७९५॥
"उवरोह भया०" गाहा । से त्ति निद्देसो, कस्स ? गामनगरादीणं । ताणि पुव्ववन्नियाणि, सेसा नाम जस्स सयखंधावारो अणुरायगो रोहयं काउं सन्निविट्ठा तं पेहाय सन्निविटुं कप्पइ निग्गंथाणं निग्गंथीणं भिक्खायरियाए तद्दिवसं गंतुं पडिएत्तए । कारणियं एयं सुत्तं-जो खलु णिग्गंथो वा णिग्गंथी वा । जो त्ति निद्देसो खलु पादपूरणे । निग्गंथा पुव्ववण्णिया तं रयणिं तत्थेव उपादिनावेंति, दुहओ वीतिक्कमति जिणसीमं रायसीमं च । आवज्जइ चातु[मासियं] । जे दोसाति' निज्जुत्तीय भन्निहिति । जत्थ एरिसं तत्थ न चेव अच्छियव्वं तम्हा अणागयं निग्गंतव्वं । तत्थ गाहा -
सेणादी गम्मिहिई, खित्तुप्पायं इमं वियाणित्ता । असिवे ओमोयरिए, भय चक्काऽणिग्गमे गुरुगा ॥४७९६॥ आणाइणो य दोसा, विराहणा होइ संजमाऽऽयाए ।
असिवादिम्मि परुविते, अधिकारो होति सेणाए ॥४७९७॥
"सेणादी०" ["आणाइणो०"] । सेणं आदिकाउं गम्मिहिति । आदिग्रहणेणं मेच्छभएण सेनाग्रहणं कृत्वा भयचक्रग्रहणं कृतं तं ज्ञापयति । सेनाए अवियारो, एए होहिंति अणागयं चेव निग्गंतव्वं जइ अणागयं न निति :: । (चतुर्गुरु) आणादिणो दोसा । विराहणा दुविहा - आयविराहणा संजमविराहणा य । जं तत्थ एसणं पल्लिहिति । अहवा थंडिल्ले दुविहे अलब्भमाणे छक्कायविराहणा । आयविराहणा - समुदाणे अलब्भमाणे एवमादि जम्हा दोसा तम्हा अणागयं
१. दोसा ते इति भाव्यम् ? ।
