________________
भासगाहा-४६८३-४६९२] तइओ उद्देसो
६७१ एवं वासावासे, उडुबद्धे पंथे जत्थ वा ठाति । सव्वत्थ होति उग्गहो, केसिंचि पतीव दिटुंतो ॥४६८९॥
"एवं वासावासे०" गाहा । एवं वासावासे भणियं, उडुबद्धे एवं चेव । पंथेण वि वच्चंतो आयरिओ जत्थ ठाइ तत्थ सव्वओसमंता सक्कोसं जोयणं उग्गहो । तत्थ वि एवं चेव सचित्तादीणं । केई भणंति मग्गओ नत्थि उग्गहो । एस अणादेसो - पदीवदिटुंतेणं सव्वओ समंता भवइ । एवं ताव खेत्ते ।
इदाणि -
अक्खित्ते वसधीए, जाणग जाणाविए वि एमेव । उज्जुगमणुज्जुगे या, सो चेव गमो हवइ तत्थ ॥४६९०॥
"अक्खित्ते०" गाहा । इंदखीलमणोग्गहो तत्थ वसहीए मग्गणा । जा एसा मग्गणा भणिया "चत्तारि नवग जाणंतगम्मि जाणाविए वि चत्तारि" (४६६३) एवं गृहितं "अभिहारणाए एए खेत्तम्मि विप्परिणया वि" (४६६३) अस्यार्थः । एते त्ति अव्वाहतमादि काउं जाव वत्थव्ववायाहडा । एते अभिधारेंता अव्वोच्छिन्नखेत्तिए जइ विप्परिणया तहा वि अव्वोच्छिन्नखेत्तियाण चेव आभवंति ।
इदाणिं अभिहारणाए त्ति दारं
अणिदिट्ठ सण्णऽसण्णी, गहिता गहिते य ओह सच्छंदो । णिट्ठि लिंगसहितो, सण्णी तस्सेव णऽण्णस्स ॥४६९१॥
["अणिदिट्ठ०"] "अभिहारेंतो" (४७०३)१ गाहा । जो सो अभिहारेंतो दुविहो - सन्नी असन्नी वा, दुविहो निद्दिसिओ च । निद्दिसिओ नाम 'अमुगस्स आयरियस्सगासे पव्वइस्सामि' । सो पुण एगं वा आयरियं निद्दिसेज्ज अणेगा वा आयरिया निद्दिसेज्जा । जो अणेण निद्दिसइ सो एवं संकप्पेइ - जो मे रुच्चिस्सइ तस्स सगासे पव्वइस्सामि ।
"लिंगसहिओ" [त्ति] जो सो सन्नी निदिसिउं गच्छइ सो लिंगसहिओ वा भवेज्ज गिहत्थलिंगेण वा एवं अणिद्दिसिउं वच्चइ सो सण्णी वा असण्णी वा होउ ससिहो वा गच्छउ असिहो वा जत्थ पव्वयइ तस्सेव सीसो सो । जो पुण निदिसिउं सन्नीलिंगसहिओ वच्चइ सो जं निद्दिसइ तस्सेव सो अन्नो न लभति ।
निद्दिढे असण्णी, गहियाऽगहिए य अगहिए सण्णी । तस्सेव अवि परिणते, विपरिणते जस्स से इच्छा ॥४६९२॥
१. अत्र गाथाया व्युत्क्रमो दृश्यते ।
