________________
६७२
विसेसचुण्णि
[उग्गहपगयं "निद्दिढे असन्नि०" गाहा । जो असन्नी निद्दिसिउं असिहो वा ससिहो वा गच्छइ असिहो सण्णी णिदिसित्ता चेव गच्छइ एए तिन्नि वि अविप्परिणए भावे तस्सेव विप्परिणए अप्पणो छंदेण जस्स सकासे पव्वयति तस्सेव सीसो । एवं ताव एगे निद्दिट्ठ भणियं ।
इदाणिं जो अणेगे निद्दिसित्ता वच्चइ तस्स भण्णइ -
चारिय समुदाणट्ठा, तेणग गिहिपंत धम्मसट्टा वा । एएहिं लिंगसहितो, सण्णी व सिया असण्णी वा ॥४६९३॥ णेगा उद्दिस्स गतो, लिंगेणऽप्फालितो तु एक्कणं । दुटुं च अचक्खुस्सं, णिद्दिट्ठऽण्णं गतो तस्स ॥४६९४॥ निद्दिट्टमणिद्दिटुं, अब्भुवगय लिंगि नो लभइ अण्णो । लिंगी व अलिंगी वा, सच्छंदेण अणिहिट्ठो ॥४६९५॥ एमेव असिहसण्णी, णिद्दिट्ठस्सुवगतो ण अण्णस्स । अब्भुवगतो वि ससिहो, जस्सिच्छति दो व अस्सण्णी ॥४६९६॥ निद्दिट्ट सन्नि अब्भुवगतेतरे अट्ठ लिंगिणो भंगा। एवमसिहे वि ससिहे, वि अट्ठ सव्वे वि चउवीसं ॥४६९७॥ पढम बिति ततिय पंचम, सत्तम नव तेरसेसु भंगेसु । विप्परिणतो वि तस्सेव होइ सेसेसु सच्छंदो ॥४६९८॥ सव्वो लिंगी असिहो, य सावतो जस्स अब्भुवगतो सो । णिद्दिट्ठसण्णिलिंगी, तस्सेवाणब्भुवगतो वि ॥४६९९॥
"चारिय०" ["णेगा उद्दिस्स०" "निद्दिट्ठमणि०" "एमेव असिह." "निद्दिट्ठ०" "पढम बिति०" "सव्वो लिंगी०"] गाहाद्वयम् । असन्नी वा सन्नी वा जो अणेगा उद्दिसिउं वच्चइ सो लिंगसहिओ अलिंगी वा तेसिं सकासं पत्तो एगंतरस्स उवढिओ । जइ तेण न सुट्ठ आप्फालिओ अहवा आप्फालिओ अणि?त्तणेण सो ताओ विप्परिणओ सेसाणं निद्दिवाणं जस्स सकासे पव्वइओ तस्सेव सो सीसो अणिद्दिवो न लब्भति । अभिधारणा गया ।
इदाणिं एगग्गामे त्ति दारं
