________________
विसेसचुण्णि
[किइकम्मपगयं चरित्तपज्जवा केवइया होज्ज ? जावतिया लोगागासस्स अलोगागासस्स य आगासपएसा एएहितो वि अणंतगुणचरित्तसेढिपज्जवा । एतदेवार्थं -
ते कित्तिया पएसा, सव्वागासस्स मग्गणा होइ । ते जत्तिया पदेसा, अविभाग तओ अणंतगुणा ॥४५१२॥ "ते कित्तिया०" गाहा । कण्ठ्या । एवं चरित्तसेढिं, पडिवज्जइ हिट्ठ कोइ उवरिं वा । जो हिट्ठा पडिवज्जइ, सिज्झइ नियमा जहा भरहो ॥४५१२॥
"एयं चरित्तसेटिं०" गाहा । जा पुण एसा चरित्तसेढी परूविया एवं कोवि उवरि पडिवज्जइ कोइ हेट्ठा, जो हेट्ठिल्लेसु संजमट्ठाणेसु पडिवज्जइ सो तेणेव पडिग्गहणेणं णियमा सिज्झइ जहा भरहराया ।
मज्झे वा उवरिं वा, नियमा गमणं तु हिट्ठिमं ठाणं ।
अंतोमुहुत्त वुड्डी, हाणी वि तहेव नायव्वा ॥४५१४॥
"मज्झे वा०" गाहा । जो पुण मज्झे उवरिं वा पडिवज्जइ सो नियमा हेट्ठिल्लाणि वज्जइ अवस्सं सव्वाणि संजमठाणाणि फासेऊण सिज्झियव्वं । सा पुण अंतोमुहुत्तिया वड्डी वा हाणी
वा।
सेढीठाणठियाणं, किइकम्मं बाहिरे न कायव्वं । पासत्थादी चउरो, तत्थ वि आणादिणो दोसा ॥४५१५॥
"सेढीठाण०" गाहा । जे एयाए सेढीए ठिया तेसिं किइकम्मं बाहिं पि ताण ण कायव्वं । के पुण ते संजमठाणेणं बाहिं ठिया ? उच्यते-पासत्थोसन्नगिहत्थअन्नतित्थिया। एएसिं पच्छित्तं पुव्ववन्नियं । 'आणादिणो दोसा' 'चउरो' त्ति भण्णिहिति । सीसो पुच्छइ -
लिंगेण निग्गतो जो, पागडलिंगं धरेइ जो समणो । किध होइ णिग्गतो त्ति य, दिटुंतो सक्करकुडेहिं ॥४५१६॥
"लिंगेण०" गाहा । जेण लिंगं मुक्कं एस ताव नियमा न वट्टइ चरित्तसेढीए चेवेतं । जो पुण लिंगं धरेइ सो कहं चरित्तसेढीओ निग्गओ भवति ? ततश्चासावन्द्यः१ को वा तस्स दोसो भवति ? एत्थ आयरिओ दोहिं सक्करउडेहि दिटुंतं करेइ । रन्ना दोन्नि पुत्तया सक्करकोसाएणं भरेत्ता मुद्देत्ता दोण्हं पुरिसाणं दिण्णा 'सारक्खह, जया हं मग्गेज्ज तया देज्जह' । तत्थेक्केणं -
१. ततश्चासावद्यः अ ड ।
