________________
६३५
भासगाहा-४४९८-४५११] तइओ उद्देसो
सेढीठाणठियाणं, कितिकम्मं सेढि इच्छिमो णाउं । तम्हा खलु सेढीए, कायव्वं परूवणा इणमो ॥४५०४॥ पुव्वं चरित्तसेढिठियस्स पच्छाठिएण कायव्वं । सो पुण तुल्लचरित्तो, हविज्ज ऊणो व अहिओ वा ॥४५०५॥ निच्छयओ दुन्नेयं, को भावे कम्मि वट्टई समणो । ववहारओ य कीरइ, जो पुव्वठिओ चरित्तम्मि ॥४५०६॥ ववहारो वि हु बलवं, जं छउमत्थं पि वंदई अरिहा । जो होइ अणाभिन्नो, जाणतो धम्मयं एयं ॥४५०७॥ केवलिणा वा कहिए, अवंदमाणो व केवलिं अन्नं । वागरणपुव्वकहिए, देवयपूयासु व मुणंति ॥४५०८॥
"सेढीठाणठियाणं०" ["सेढी०" "पुव्वं चरित्त०" "निच्छयओ०" "ववहारो वि हु०" "केवलिणा वा०"] गाहा । [सेढि] संजमसेढि त्ति वा एगटुं । संजमसेढीए ठियाणं किइकम्मं कायव्वं अट्ठियाण भणियं (भइयं) सेढीए जाणणाहेउं सेढी परूविज्जइ । तीस्से इमाणि दाराणि ।
अविभागपलिच्छेया, ठाणंतर कंडए य छट्ठाणा । हिट्ठा पज्जवसाणे, बुद्धी अप्पाबहुं जीवा ॥४५०९॥ "अविभाग०" गाहा । जीवपयस्स
आलाव गणण विरहियमविरहियं फासणापरूवणया । गणणपय सेढि अवहार भाग अप्पाबडं समया ॥४५१०॥
"आलाव गणण०" गाहा । एएसिं दाहिं कंटगपाढो अमुतगतव्वो' । अविभाग पलिच्छेदस्स इमे एगट्ठिया ।
अविभागपलिच्छेदो, चरित्तपज्जव-पएस-परमाणू । परमाणुस्स परूवण, चउव्विहा भावओऽणंता ॥४५११॥
"अविभागपलिच्छदो०" गाहा । अविभागपलिच्छेदि त्ति वा चरित्तपज्जवत्तिया पदेसु त्ति वा परमाणु त्ति वा एगटुं । परमाणुस्स चउव्विहा परूवणा दव्वादी । दव्वपरमाणू वावहारिओ सत्तेण सुत्तिक्खेण वि तित्तुं भेत्तुं वज्जाण किर सक्का तं परमाणू सिद्धा वयंति । आदि पमाणेणं खेत्ते आगासपएसो, काले समयो, भावए परमाणू चरित्तपज्जवो । ते पुण
१. अणुगंतव्वो इति भाव्यम् ? । २. व जो ण किर सक्को इति भाव्यम् ? ।
