________________
६३३
भासगाहा-४४७४-४४९७ ] तइओ उद्देसो
आहारस्स उ काले, णीहारुस्सा वि य होइ पडिणीयं । रोसेण धमधमेंतो, जं वंदति रुट्ठमेयं तु ॥४४८६॥ न वि कुप्पसि न पसीयसि, कट्ठसिवो चेव तज्जियं एयं । सीसंगुलिमादीहिं व, तज्जेति गुरुं पणिवयंतो ॥४४८७॥ वीसंभट्ठाणमिणं, सब्भावजढे सढं हवइ एतं । कवडं ति कायव्वं ति य, सढया वि य होंति एगट्ठा ॥४४८८॥ गणि ! वायग ! जिट्टज्ज ! त्ति हीलियं किं तुमे पणमितेण । देसीकहवित्तंते, कधेति दरवंदिए कुंची ॥४४८९॥ अंतरितो तमसे वा, ण वदती उ दीसंतो । एयं दिट्ठमदिटुं, सिगं पुण कुंभगणिवातो ॥४४९०॥ करमिव मन्नइ दितो, वंदणगं आरहंतिय करु त्ति । लोइयकरस्स मुक्का, न मुच्चिमो वंदणकरस्स ॥४४९१॥ आलिट्ठमणालिट्टे, रयहर सीसे य होति चउभंगो । वयण करणेहिं ऊणं, जहन्नकाले व ससेहिं ॥४४९२॥ दाऊण वंदणं मत्थएण वंदामि चूलिया एसा । तुसिणी आवत्ते, पुण कुणमाणो होइ मूयं तु ॥४४९३॥ उच्चसरेणं वंदइ, ढङ्कर एयं तु होइ बोधव्वं । चुडुलि व्व गिण्हिऊणं, रयहरणं होइ चुडुलिओ ॥४४९४॥ थद्धे गारव तेणिय, हीलिय रुट्ठ लहुगा सढे गुरुगो । दुट्ठ पडिणीय तज्जित, गुरुगा सेसेसु लहुगो तु ॥४४९५॥ आयरियउवज्झाए, काऊणं सेसगाण कायव्वं । उप्परिवाडी मासिग, मदरहिए तिण्णि य थुतीओ ॥४४९६॥ जा दुचरिमो त्ति ता होइ वंदणं तीरए पडिक्कमणे । आइण्णं पुण तिण्हं, गुरुस्स दुण्हं च देवसिए ॥४४९७॥
