________________
६३२
विसेस
दिट्ठमदिट्ठे च तहा, सिंगं च करमोअणं । आलिमणालिट्ठ, ऊणं उत्तरचूलियं ॥ ४४७४॥ मूयं च ढड्डरं चेव, चुडलिं च अपच्छिमं । बत्तीसदोसपरिसुद्धं, किइकम्मं पउंजए ॥४४७५॥ आयकरणं आढा, तव्विवरीयं अणाढियं होइ । दव्वे भावे थद्धो, चउभंगो दव्वत्तो भइतो ॥४४७६॥ पविद्धमणुवयारं, जं अप्पितो ण जंतितो होति । जत्थ व तत्थव उज्झति, कतकिच्चो वक्खरं चेव ॥४४७७॥ परिपिँडिए व वंदइ, परिपिंडियवयण करणओ वा वि । टोलो व्व उप्फिडतो, ओसक्कऽहिसक्कणं दुहओ ॥४४७८॥ उवगरणे हत्थम्मि व, घित्तु णिवेसेति अंकुसं बिंति । ठितविट्ठरिंगणं जं, तं कच्छभरिंगियं नाम ॥४४७९॥ उट्ठिते णिवेसंतो, उव्वत्तति मच्छउ व्व जलमज्झे । वंदिउकामो वऽण्णं, झसो व्व परियत्तती तुरियं ॥ ४४८० ॥ अप्प परपत्तिएणं, मणप्पदोसो अणेगउद्वाणो । पंचेव वेइयाओ, भयं तु णिज्जूहणाईयं ॥ ४४८१॥ भयति भयस्सति व ममं, इइ वंदति ण्होरगं णिवेतो । एमेव य मेत्तीए, गारव सिक्खाविणीतोऽहं ॥४४८२॥ नाणाइतिगं मुत्तुं कारणमिहलोगसाहगं होइ । पूयागारवहेउं, णाणग्गहणे वि एमेव ॥४४८३॥ आयरतरेणं हंदि, वंदामि णं तेण पच्छ पणियस्सं । वंदणगमोल्लभावो, ण करिस्सइ मे पणयभंगं ॥४४८४॥
[ किइकम्मपगयं
हाउं परस्स चक्खुं, वंदंते तेणियं हवइ एतं । तेणो इव अत्ताणं, गूहइ ओभावणा मा मे ॥४४८५॥
