________________
भासगाहा-४३४६-४३६०] तइओ उद्देसो
६१३ उवग्गहिउवहिगहणं च । पुराणोवहिगहणस्स वि एमेव । तत्थ अभिनवगहणे दुविहस्स वि उवहिस्स इमा विभासागाहा
जायण निमंतणुवस्सय, परियावण्णं परिट्ठविय नटुं । पम्हुट्ठ पडिय गहियं, अभिनवगहणं अणेगविहं ॥४३५५॥ "जायण निमंतणु०" गाहा । जायणा वत्थस्स निमंतणा वत्थस्स य इमा गाहा -
जो चेव गमो हेट्टा, उस्सग्गाईसु वण्णिओ गहणे ।
दुविहोवहिम्मि सो च्चिय, कास त्ति य किं ति कीस त्ति ॥४३५६॥
"जो चेव गमो हेट्ठा०" गाहा । जहा हेट्ठा पेढियाए (गा० ६२२-२४) तहा भाणियव्वं ।
इदाणिं पुराणोवही गहणं दुविहं = उवट्ठावणाए गहणं तह य उवट्ठावए गहणं । तत्थ जं उवट्ठावणाए गहणं तं सेहस्स उवट्ठाविज्जंतस्स । गहणविही
कोप्परपट्टगगहणं, वामकराणामियाएँ मुहपोत्ती । रयहरण हत्थिदंतुन्नएहिँ हत्थे वट्ठाणं ॥४३५७॥
"कोप्पर०" गाहा । पंचहिं उवकरणेहिं उवट्ठाविज्जइ । तं रयहरणेणं चोलपट्टेण मुहपोत्तियाए । दोहिं य णिसज्जाहिं एयं उवट्ठावणाए गहणं । उवट्ठावियस्स गहणे इमा गाहा
उवठावियस्स गहणं, अहभावे चेव तह य परिभोगे ।।
एक्केक्कं पायादी, नेयव्वं आणुपुव्वीए ॥४३५८॥
"उवठावियस्स गहणं०" उवट्ठावियस्स गहणं दुविहं - अहाभावगहणं परिभोगगहणं च । “एक्केकं पादादी" अस्य व्याख्या - पादस्स दुविहगहणं-अहाभावगहणं परिभोगगहणं च। एवं चोद्दसविहस्स वि उवहिस्स । तत्थ अहाभावो जं अच्छइ ठवियं वा गहियं वा परिभोगगहणं । जं जाए वेलाए परिभुज्जइ तं परिभोगगहणं । एतदेवार्थम् -
पडिसामियं तु अच्छइ, पायाई एस होतऽहाभावो । सद्दव्व पाण भिक्खा, निल्लेवण पायपरिभोगो ॥४३५९॥ "पडिसामियं०' गाहा । कण्ठ्या । अहवा इमंपाणदय सीयमत्थुय, पमज्ज चिलिमिलि निसिज्ज कालगते ।
गेलन्न लज्ज असहू, छेअण सागारिए भोगो ॥४३६०॥
"पाणदय०" गाहा । पाणदयानिमित्तं-मसगाणं जयणा भवतु त्ति पाउणइ, सीएण पाउणइ । सेसं कण्ठ्यम् । एवं खमएण भणिए सो चोयगो भणइ -
