________________
५६६
विसेसचुण्णि
[भिण्णाभिण्णवत्थपगयं वासत्ताणे पणगं, चिलिमिणिपणगं दुगं च संथारे । दंडादीपणगं पुण, मत्तगतिग पादलेहणिया ॥४०९७॥ चम्मतिगं पट्टदुगं, णायव्वो मज्झिमोवही एसो । अज्जाण वारए पुण, मज्झिमए होति अतिरित्तो ॥४०९८॥ अक्खा संथारो या, दुविहो एगंगिएतरो चेव । पोत्थगपणगं फलगं, बितियपदे होति उक्कोसो ॥४०९९॥
"वासत्ताणे०" ["चम्मतिगं०" "अक्खा०"] गाहा । वासत्ताणाणि पंच-वाले सुत्ते सुयी कुडसीसए छत्तए वालयं णाम उण्णियं, सोत्ति य साण्डजं, सूती तलस्स, कुडसीसयं सीसाओ आरद्धं जाव पाद त्ति, छत्तयं एयं पणयं । चिलिमिणि पंचविहा, संथारगदुगं सउत्तरपट्टे, पंच दंडया-दंडए, विदंडए, लट्ठी, विलट्ठी, णालिया । उच्चार-पासवण-खेलमत्तए अवलेहणिया, चम्मतिगं पत्थरणं चम्मकोसगो अंगुट्ठमाणं चम्मछेयणाओबद्धो, पट्टदुगं पल्लत्थियापट्टो सण्णहणपट्टो य, एस मज्झिमो । अज्जा[ण] वि णवरि वारतो अतिरित्तो अक्खा संथारगो दुविहो, एगंगिओ अणेगंगिओ य - पोत्थगपणगं बीतियपएणं गहितं, फलगो वि बितियपदेण चेव । एसो उक्कोसो।।
॥ भिण्णाभिण्णवत्थपगयं समत्तं ॥
