________________
॥ उग्गहणंतउग्गहपट्टगपगयं ॥ [सुत्तं]-णो कप्पइ णिग्गंथाणं उग्गहणंतगं वा उग्गहपट्टगं वा धारित्तए वा परिहरित्तए वा ॥३-१०॥
उभयम्मि वि अविसिटुं, वत्थग्गहणं तु वणियं एयं । जं जस्स होति जोग्गं, इदाणिं तं तं परिकहेति ॥४१००॥ निग्गंथोग्गहधरणे, चउरो लहुगा य दोस आणादी । अतिरेगउवहि तह लिंगभेद बितियं अरिसमादी ॥४१०१॥ [नि०] भगंदलं जस्सऽरिसा व निच्चं, गलंति पूयं लसि सोणियं वा । उड्डाहसज्झायदयाणिमित्तं, सो उग्गहं बंधति पट्टगं च ॥४१०२॥ पूयलसिगा उवस्सएँ, धोव्वति असहुस्स पट्टौ रुहिरं च ।
उग्गह पट्टं च सहू, वीयारे लोहियं धुवति ॥४१०३॥
["उभयम्मि वि०" "निग्गंथो०" "भगंदलं०" "पूयलसिगा०"] गाधावृत्तसिद्धं । णवरं धोवितुं । 'धुवति' त्ति व्रणं धोवित्ता चीराणि धोवति ।
ते पुण होंति दुगादी, दिवसंतरिएहिं बज्झए तेहिं ।
अरुगं इहरा कुच्छड्, ते वि य कुच्छंति णिच्चोला ॥४१०४॥
"ते पुण०" गाहा । ताणि चीराणि जाणि अंतरा कीरंति तेसिं अट्ठएहि अज्जवज्झति कल्ले अवणेत्ता धोवित्ता ण तेहिं बज्झति जेहिं हज्जो ण बद्धो तेहिं वज्झति । 'इहरह' त्ति दिणे दिणे तेहिं च्चेव जति वज्झति तो कुत्थति व्रणो ।
[सुत्तं] - कप्पइ निग्गंथीणं उग्गहणंतगं वा उग्गहपट्टगं वा धारित्तए वा परिहरित्तए वा ॥३-११॥
"कप्पइ निग्गंथीणं उग्गहणंतगं वा०" सुत्तं पुव्ववण्णियं । धारित्तए गेण्हित्तए परिहरित्तए परिभुंजति जाहे भिक्खस्स वा बाहिं वा णिति ताहे बंधंति । एस परिभोगो ।
णिग्गंथीण अगिण्हणे, चउरो गुरुगा य आयरियमादी । तच्चण्णिय ओगाहण, णिवारणऽण्णेसि ओहसणं ॥४१०५॥
१. इहरा - मुच ।
