________________
विसेस
[ भिण्णाभिण्णवत्थपगयं
'अव्वोगडो० " [ "चोद्दसग०" "पत्तं०" "तिण्णेव० " ] गाहा । अव्वोगडो णाम अविसेसितो, इमो जिणकप्पियाणं इमो थेरकप्पियाणं आदिसुत्तेसु वत्थेसणाए पाएसणाए य । इहं उवरिसुत्ते विसेसिज्जति भणितो जिणकप्पियाणं पि उहोवही भणितो ॥ इदाणिं अज्जाणं भणीहामि । अज्जाणं उहोवही पणुवीसतिविहो । सो चेव चोद्दसविहो। णवरं जत्थ तेसिं चोलपट्टगो तत्थ इमासिं कमढगं ।
उग्गहणंतग पट्टो, अड्डोरुअ चलणिया य बोधव्वा । अब्भितरबाहिणियंसणी य तह कंचुए चेव ॥ ४०८२॥ उक्कच्छिय वेकच्छिय, संघाडी चेव खंधकरणी य ओहोवहिम्मि एते, अज्जाणं पण्णवीसं तु ॥४०८३॥ “उग्गहणंतग०” [" उक्कच्छिय० " ] गाहाद्वयम् ।
नावनिभो उग्गहणंतओ उ सो गुज्झदेसरक्खट्ठा । सो य पमाणेणेक्को, घणमसिणो देहमासज्ज ॥४०८४॥ पट्टो वि होइ एक्को, देहपमाणेण सो उ भइयव्वो । छादंतोग्गहणतं, कडिबद्धो मल्लकच्छा वा ॥ ४०८५॥
५६४
44
अड्डोरुगो वि ते दो, वि गिहिउं छादए कडीभागं । जाणुप्पमाण चलणी, असिव्विया लंखियाए व ॥ ४०८६ ॥
अंतोनियंसणी पुण, लीणतरा जाव अद्धजंघातो । बाहिर खुलगपमाणा, कडीय दोरेण पडिबद्धा ॥ ४०८७॥ छादेति अणुक्कुयिते, उरोरुहे कंचुओ असिव्वितओ । एमेव य उक्कच्छी, सा णवरं दाहिणे पासे ॥ ४०८८॥ वेगच्छिया उ पट्टो, कंचुकमुक्कच्छियं च छादेति । संघाडिओ चउरो, तत्थ दुहत्था उ वसधीए ॥ ४०८९॥ दुन्नि तित्थायामा भिक्खट्टा एग एग उच्चारे । ओसरणे चउहत्था, निसन्नपच्छाइणी मसिणा ॥ ४०९० ॥
